Pavlodarda «TAKORP» qarjy piramidasynyń uiymdastyrýshylary salymshylardyń qarajatyna páter satyp alyp, 4 depozit ashqan, dep habarlaidy Dalanews.kz.
2024 jyldyń naýryz ben qyrkúiek ailary aralyǵynda kúdiktiler «TAKORP» qarjy piramidasyn basqarǵany anyqtaldy, ol AQSh-taǵy jarnamalyq qosymshalar platformasy retinde qyzmet etken.
Qatysýshylardy tirkeý úshin elektrondyq kriptobirja «OKH» arqyly kriptovaliýta satyp alýdy usynǵan.
Negizgi sharttardyń biri keminde 5 jańa salymshy tartý bolǵan. Bul shartty oryndaý arqyly qundy syilyq utyp alý múmkindigine kepildik berilgen.
50-den astam azamat osy ýádelerge senip, 30-dan 500 AQSh dollaryna deiin aqsha salyp, óz deńgeiine qarai 2 myń AQSh dollaryna deiin bonýstar alýǵa úmittengen.
Qylmystyq kiristiń jalpy somasy 50 mln teńgeden asty.
Kúdiktiler salymshylardyń aqsha qarajatyna Pavlodar qalasynda 10 mln teńgege páter satyp alyp, bankterde 8 mln teńge somasyna 4 depozit ashqan.
Sot sanktsiiasymen jyljymaityn múlik pen aqsha qarajattaryna tyiym salyndy.
Kúdiktilerge qatysty «úiqamaq» jáne «elden ketpeý týraly qolhat» túrinde shara qabyldandy.
