Úkimette premer-ministrdiń orynbasary – ulttyq ekonomika ministri Serik Jumanǵarinniń tóraǵalyǵymen ótkizilgen syrtqy saýda jáne halyqaralyq ekonomikalyq uiymdarǵa qatysý máseleleri jónindegi vedomstvoaralyq komissiia otyrysynda elimizdiń azyq-túlik jáne ekonomikalyq qaýipsizdigine áser etetin birqatar túiindi másele qaraldy, dep habarlaidy Dalanews.kz.
Kartopty eksporttaýǵa tyiym salynbaidy
Ishki naryqtaǵy baǵa aitarlyqtai turaqtalýyn jáne jetkilikti qor bar ekenin eskere otyryp, kartop eksportyna ýaqytsha shekteý engizýdiń jónsizdigi týraly sheshim qabyldandy.
Siyr etin eksporttaýshylarǵa kvota berý talaby jeńildetiledi
Kvota bólýdiń qoldanystaǵy tetigi keminde 5 myń basqa arnalǵan jeke bordaqylaý alańy men óziniń et kombinaty bolýy sekildi birqatar talapty kózdeidi. Sheshim qabyldaý kezinde VAK-qa qatysýshylar Úkimet bekitken val sharýashylyǵyn damytýdyń keshendi josparyn da nazarǵa aldy. Qujat iri qara mal sanyn 7,9 mln-nan 12 mln basqa arttyrýdy, sondai-aq, eksporttyq áleýetti nyǵaitýdy jáne qazaqstandyq siyr etin ótkizýdiń jańa naryǵyn ashýdy kózdeidi. Aýyl sharýashylyǵy ministrligi kvota bólýdiń qoldanystaǵy erejesine tiisti ózgeris engizedi.
Sonymen qatar, analyq mal basyn saqtaý jáne otandyq qaita óńdeý kásiporyndaryn shikizatpen qamtamasyz etý maqsatynda Qazaqstannan iri qara jáne usaq maldyń analyq basyn EAEO-ǵa múshe memleketterge áketýge tyiym salýdy uzartý týraly sheshim qabyldandy.
Alty aiǵa deiin taýyq jumyrtqasyn EAEO elderinen importtaýǵa tyiym salynady
Qazir Qazaqstanda 70 qus fabrikasy jumys isteidi. Onyń 34-i jumyrtqa, 29-y et, 7-eýi asyl tuqym óndiredi. 2025 jyldyń qorytyndysy boiynsha taýyq jumyrtqasynyń óndirisi 2,4%-ǵa, 4 568,5 mln danaǵa artqan. Ishki naryqtaǵy otandyq óndiris - 98%. Tiisti buiryqty Aýyl sharýashylyǵy ministrligi qabyldaidy.
