«QR Prezıdenti Q. Toqaev Jastar jylynyń jabylý saltanatynda 2020 jyldyń qańtarynan bastap joǵary oqý oryndary men kolej stýdentteriniń stıpendıasy 25% kóteriletinin málimdedi. QR Bilim jáne ǵylym mınıstrligi jergilikti atqarýshy organdarmen birlese otyryp, Memleket basshysynyń tapsyrmasyn oryndaý boıynsha sharalar qabyldady. Búginde elimizdiń 30-dan astam joǵary oqý orny stýdentterdiń stıpendıasyn 25% joǵarylatty. Jergilikti atqarýshy organdar tarapynan kolej stýdentterine stıpendıa tólene bastady. Osylaısha, 179 myń JOO stýdenti men 136 myń kolej stýdenti stıpendıasynyń kólemi artady», - dedi QR BǴM-niń baspasóz qyzmetinen.
Aıta ketken jón, bakalavrıat stýdentteriniń stıpendıasy 20 949 teńgeden 26 186 teńgege deıin, ınternatýra –37 945 teńgeden 47 431 teńgege deıin, magıstratýra – 53530 teńgeden 66 913 teńgege deıin, doktorantýra – 81 998 teńgeden 102 498 teńgege deıin ósti. Kolej stýdentteriniń stıpendıasy 16 759 teńgeden 20 948 teńgege artty.
