Qazaqstanda QR-kod arqyly tólem jasaý, telefon nómiri boiynsha aqsha aýdarý, elektrondy aqshany jáne tsifrlyq teńgeni paidalaný qyzmetterin qosylǵan qun salyǵynan bosatý máselesi qarastyrylyp jatyr, dep habarlaidy dalanews.kz.
Qazir tólem kartalary arqyly júrgiziletin operatsiialarǵa bailanysty qyzmetter QQS-tan bosatylǵan. Qarjy naryǵyn retteýshiler bul jeńildikti zamanaýi tólemniń ózge de túrlerine qoldanýdy usynyp otyr.
Premer-ministrdiń orynbasary Serik Jumanǵarin jańa tólem quraldaryn damytý bastamasyn qoldady. Alaida tiisti sheshim qabyldamas buryn onyń ekonomikaǵa yqpalyn jan-jaqty esepteýdi tapsyrdy.
Endi Qarjy ministrligi, Qarjy naryǵyn retteý jáne damytý agenttigi men Ulttyq bank atalǵan usynysty qosymsha zerdeleidi. Zertteý qorytyndysy boiynsha memlekettik organdar ekonomikalyq esepteýler ázirlep, zańnamaǵa ózgerister engizý jónindegi usynystaryn usynýy tiis.
