Qyrkúıek aıynda Qazaqstanda 13 sybaılas jemqorlyq deregi tirkeldi, dep habarlaıdy Dalanews.kz.
“UQK-niń Sybaılas jemqorlyqqa qarsy qyzmeti qyrkúıek aıynda Qylmystyq kodekstiń tıisti baptaryna sáıkes 13 quqyqbuzýshylyqty tirkedi”, – delingen habarlamada.
Vedomstvo málimetinshe, tirkelgen isterdiń ishinde:
- qyzmettik ókilettikterin teris paıdalaný – 1 derek;
- para alý – 5 derek;
- para berý – 5 derek;
- ekonomıkalyq kontrabanda – 1 derek;
- qarý-jaraq pen jarylǵysh zattardyń zańsyz aınalymy – 1 derek.
Sondaı-aq sottarǵa mynadaı baptar boıynsha qylmystyq ister jiberilgen:
- bóten múlikti ıemdený nemese talan-tarajǵa salý – 3 is;
- alaıaqtyq – 1 is;
- para alý – 3 is;
- qylmystyq jolmen alynǵan tabystardy zańdastyrý – 1 is;
- qujattar men memlekettik nagradalardy qoldan jasaý jáne satý – 1 is.
Eske salaıyq, buǵan deıin Soltústik Qazaqstan oblysynda polısıadaǵy jemqorlyq isi boıynsha úkim shyqty. Petropavl qalalyq soty burynǵy maıor Erbolat Qaptaevty birneshe ret para alǵany úshin kináli dep tapqan edi.
Ratel.kz málimetinshe, sot Qaptaevtyń resıdıvıs Rýslan Nagýmanovpen baılanysta bolǵanyn, odan syılyqtar men qyzmetter alǵanyn anyqtady: telefon, avtokólik jaldaý, shottardy tóleý. Alaıda aıyptalýshy munyń bárin tek jedel jumys aıasyndaǵy qatynas dep túsindirgen.
Sýdıa qorǵaý tarapynyń bul ýájin joqqa shyǵardy.
"Nagýmanov telefondy saǵat 14:00-de satyp alǵan, al 14:27-de ony Qaptaevqa bergen. Bul jedel sharanyń bóligi bola almaıdy", – delingen úkimde.
Aıyptaý tarapynan kýágerlerdiń aıǵaqtary, telefon áńgimeleriniń stenogrammalary, hat almasýlar jáne jasyryn tergeý áreketteriniń materıaldary dálel retinde usynyldy. Prokýror burynǵy polıseıge 9 jyl bas bostandyǵynan aıyrý jazasyn suraǵan.
