Qazaqstan úkimeti ónerkásiptik maqsatta qarasorany (kannabis) qaita óńdeýdiń resmi erejelerin bekitip, bul ósimdikti ekonomikanyń túrli salalarynda zańdy túrde paidalanýǵa jol ashty, dep habarlaidy Dalanews.kz. LS-ke silteme jasap.
Jańa qaýlyda qandai kásiporyndar qarasorany qaita óńdei alatyny jáne ony qandai maqsattarda paidalanýǵa bolatyny retteledi. Esirtki quraldary men psihotroptyq zattardy óndirmei, tek ónerkásiptik qaita óńdeýge erekshe nazar aýdarylǵan.
«Partiia dep esirtkige bailanysty emes ,qarasoranyń tek qana ónerkásiptik maqsatta egilýine ruqsat etilgen bir sorttaǵy kez kelgen sandaǵy sabaqtar», – dep qujatta kórsetilgen.
Sonymen qatar, shikizat bir merzimde jinalýy jáne bir qujat aiasynda qaita óńdeýge tapsyrylýy tiis.
Jańa erejelerge sáikes, qarasorany tereń qaita óńdeýdi kelesi salalar júzege asyra alady:
Toqyma ónerkásibi – arqandardy, toqyma emes materialdardy, tehnikalyq jipterdi jáne basqa da ónimderdi óndirý.
Tselliýloza-qaǵaz ónerkásibi – qaǵaz, karton, súzgi materialdary jáne basqa da ónimderdi óndirý.
Qurylys ónerkásibi – arbolit, qarasora beton (hempcrete), jylý oqshaýlaǵysh plitalar jáne basqa da materialdardy jasaý.
Azyq-túlik ónerkásibi jáne mal azyǵy – mai, un, aqýyzdy kontsentrattar, mal azyǵy jáne basqa da ónimderdi óndirý.
Biokompozitter – avtokólik bólshekterin, jihaz, oraý materialdary jáne basqa da ónimderdi óndirý.
