Qazaqstanda qamystan qaǵaz óndiretin zaýyt salynady
Kezdesý barysynda qamystan tselliýloza jáne qaǵaz óndirip shyǵarý jobasyn iske asyrý múmkindikteri talqylandy.
Investor jobaǵa kezeń-kezeńmen 320 mln dollardy salýdy josparlap otyr. Iske asyrylǵan jaǵdaida qamystan tselliýloza jáne qaǵaz óndirisiniń kólemi jyl saiyn 200 myń tonnany quraityn bolady. Fabrikaǵa 2 myńnan asa adam jumysqa alynady dep josparlanýda. Óndiriste qaǵazdy aǵartýdyń hlor quramynsyz ekologiialyq tehnologiiasy – ECF (Elementary Chlorine Free) markerleýimen qoldanylatyn bolady.
«Qifeng New Material» ókilderi sheteldik kompaniialarǵa usynylatyn investitsiialyq preferentsiialarmen tanysty. «Kazakh Invest» kompaniiasynyń ókilderimen birlestikte jobany iske asyratyn oryn tańdaý úshin birqatar óńirlerge barý jóninde kelisimge qol jetkizildi.
