Memleket basshysynyń 2019 jylǵy 2 qyrkúiektegi «Cyndarly qoǵamdyq dialog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda aitylǵan tapsyrmany oryndaý úshin 2020 jyldan bastap shamamen 600 myń pedagogtiń jalaqysyn kezeń-kezeńimen arttyrý, al 2021 jyldan bastap memlekettik mekemeler men kommýnaldyq kásiporyndarda jumys isteitin 247 myń meditsina qyzmetkeriniń jalaqysyn kezeń-kezeńimen arttyrý bastaldy. 2023 jylǵa qarai olardyń jalaqysy 2 ese ósedi.
2022 jylǵy 1 qańtardan bastap pedagogtardyń jalaqysy 25%-ǵa, meditsina qyzmetkerleriniń jalaqysy orta eseppen 20-30%-ǵa ósti.
Sondai-aq, 2022 jylǵy 1 qańtardan bastap áleýmettik qamsyzdandyrý salasyndaǵy 21 myń jumyskerdiń laýazymdyq ailyqaqylary 25% - ǵa arttyryldy. Jalaqynyń ósýi óz qyzmetin statsionarlyq jáne jartylai statsionarlyq úlgidegi meditsinalyq-áleýmettik mekemelerde (budan ári – MÁM), úide qyzmet kórsetý uiymdarynda, ýaqytsha bolý uiymdarynda jáne jumyspen qamtý ortalyqtarynda júzege asyratyn basshy quram men negizgi personalǵa (áleýmettik qyzmetkerler, pedagogtar, meditsina qyzmetkerleri jáne t.b.) qatysty boldy.
Esterińizge sala keteiik, 2021 jyldyń 1 qańtarynan bastap áleýmettik qyzmetkerlerdiń jalaqysy 50%-ǵa ósti. Sondai-aq, 2021 jyly ákimshilik jáne qosalqy personaldyń, statsionarlyq jáne jartylai statsionarlyq úlgidegi MÁM-de, úide qyzmet kórsetý jáne ýaqytsha bolý uiymdarynda jumys isteitin jumysshylardyń jalaqysy qoldanystaǵy qosymsha aqynyń mólsherin laýazymdyq jalaqydan 30%-dan 40%-ǵa ózgertý arqyly arttyryldy.
Budan buryn habarlanǵandai, aǵymdaǵy jylǵy 1 qańtardan bastap azamattyq qyzmetshilerdiń jekelegen sanattarynyń jalaqysyn kezeń-kezeńimen arttyrý bastalyp, ol 591 myń adamǵa áser etedi. Nátijesinde, 4 jyl ishinde olardyń jalaqysy 2 ese artady.
