Eýraziialyq ekonomikalyq komissiia keńesi sheteldik marketpleisterden jeke tulǵalar tapsyrys beretin taýarlardy elge ákelýdiń jańa tártibin bekitti, dep habarlaidy Dalanews.kz.
Bul Eýraziialyq ekonomikalyq odaqqa kirmeitin elderden - Qytai, AQSh nemese Eýropa memleketterinen jasalatyn internet-satyp alýlarǵa qatysty.
Qabyldanǵan sheshimge sáikes, baj salyǵynsyz ákelý shegi 200 eýro deńgeiinde belgilendi. Iaǵni 200 eýroǵa deiingi tapsyrystar burynǵydai kedendik baj ben salyqsyz jetkiziledi.
Eger tapsyrys quny 200 eýrodan assa, satyp alýshy búkil somaǵa 5 paiyz kedendik baj jáne eldegi qoldanystaǵy mólsherleme boiynsha QQS tóleýi tiis. Sonymen birge baj mólsheri ár keli úshin 1 eýrodan kem bolmaýy kerek.
Kólik quraldary siiaqty jekelegen taýar sanattary úshin kedendik bajdyń arnaiy mólsherlemeleri qarastyrylǵan.
Qandai taýarlarǵa jeńildetilgen rásim qoldanylmaidy?
Sonymen qatar elektrondy saýdaǵa arnalǵan jeńildetilgen deklaratsiia qoldanylmaityn taýarlar tizimi bekitildi.
Oǵan jeke paidalanýǵa jatpaityn taýarlar kiredi. Atap aitqanda: soliariiler, ishten janý qozǵaltqyshtary, meditsinalyq jihaz jáne oiyn avtomattary.
Sondai-aq ákelýge jáne áketýge ruqsat talap etiletin taýarlar da bul tizimde bar: qarý-jaraq pen oq-dáriler, janýarlardyń qazba súiekteri, qaýipti qaldyqtar.
Budan bólek, alkogol men temeki ónimderine, qolma-qol aqshaǵa, áýe jáne sý kólikterine, sondai-aq keibir kólik túrleri men olardyń shassilerine de jeńildetilgen tártip qoldanylmaidy.
Jańa erejeler 2026 jylǵy 1 shildeden bastap kúshine enedi dep kútilýde.
Satyp alýshylar úshin ne ózgeredi?
Negizgi ózgeris qymbat tapsyrystarǵa qatysty.
Buryn 200 eýrodan asqan jaǵdaida baj tek asyp ketken somaǵa esepteletin. Endi salyq pen baj búkil tapsyrys qunynan alynady.
Iaǵni, 210 nemese 300 eýroǵa jasalǵan tapsyrys burynǵyǵa qaraǵanda qymbatqa túsedi, tipti limitten asyp ketýi az bolsa da.
Buryn qoldanylǵan salmaqtyq limit jańa erejede joq - tek taýardyń quny esepke alynady.
Mundai sálemdemelerdi rásimdeýmen satyp alýshy emes, jetkizý qyzmetteri men elektrondy saýda operatorlary ainalysady.
Bul ózgerister tek EAEO-ǵa kirmeitin elderden jasalatyn tapsyrystarǵa qatysty. Odaq ishindegi marketpleisterden alynǵan taýarlar jańa erejege kirmeidi.
Bul erejeler ne úshin engizildi?
Buryn shetelden alynǵan internet-taýarlar «jeke paidalanýǵa arnalǵan» dep rásimdeletin. Muny tek qarapaiym tutynýshylar ǵana emes, taýardy partiia-partiiamen ákelip, qaita satý úshin paidalanatyndar da qoldanǵan - salyq tólemei.
Nátijesinde memleket biýdjetke kiris joǵaltty, al jergilikti satýshylar sheteldik marketpleistermen salystyrǵanda teń emes jaǵdaida qaldy.
Jańa erejeler elektrondy saýda taýarlaryn bólek sanatqa shyǵarady. Olar úshin naqty tártip belgilenedi: belgili bir limit bar, odan assa - baj ben QQS tólenedi.
Qarapaiym tilmen aitqanda, bul ózgeristerdiń maqsaty - jeke satyp alýlardy kommertsiialyq jetkizilimderden ajyratý jáne «sur importty» azaitý. Al qarapaiym azamattardyń arzan tapsyrystary burynǵydai bajsyz qala beredi.
