Mádeniet jáne aqparat ministrligi sahnadaǵy ádepsiz áreketi úshin ártister men ánshilerdi aiyppulmen jazalaýdy usyndy, dep habarlaidy Dalanews.kz.
Bul týraly mádeniet jáne sport ministri Aqtoty Raiymqulova málim etti.
"Oryndaýshylar tarapynan kontsertter ótkizý kezinde ádepsiz minez-qulyq kórsetý, sahnaǵa uqypsyz kúide shyǵý úrdisi bolyp otyr. Sondai-aq josparlaǵan kontserttik baǵdarlamany oryndamaý, ádepsiz sózderi bar repertýar tańdaý, kórermenderdi habardar etpei fonogrammany paidalanýǵa jol berilgen faktiler de bar. Osyǵan bailanysty zań jobasy aiasynda oryndaýshylardyń osyndai minez-qulqyna jol bermeý boiynsha birqatar mindettemelerdi engizý arqyly osy máselelerdi barynsha retteýge tyrystyq", - dedi ministr.
Tiisti qaýly jobasy “Ashyq NQA” portalynda jariialandy.
Qujatqa sáikes, jeke tulǵalarǵa 150 AEK (553,8 myń teńge) jáne zańdy tulǵalarǵa 300 AEK (1,1 million teńge) kóleminde aiyppuldar týraly bolyp otyr.
Buzýshylyq qaitalansa, aiyppuldar 200 AEK (738,4 myń teńge) jáne 600 AEK (2,2 mln teńge) deiin ósedi.
Ártisterdiń orynsyz minez-qulqyna mynalar jatady:
- balaǵat sózderdi qoldaný;
- alkogol nemese esirtkige ýlaný.
