Qazaqstanda muǵalimderdiń jartysy 1,5 stavkamen (24 saǵat) jumys isteıdi jáne ortasha eseppen 581 myń teńge eńbekaqy alady. Bul týraly Oqý-aǵartý mınıstrligi málimdedi, dep habarlaıdy Dalanews.kz.

Ótken jyldyń derekterine súıensek, muǵalimniń tolyq bir stavka (16 saǵat) boıynsha ortasha jalaqysy qala mektepterinde 352 myń teńgeni, al aýyldyq jerlerde 435 myń teńgeni quraǵan. Alaıda ustazdardyń jartysy júktemesin arttyryp, 1,5 stavkamen jumys istep keledi.

Muǵalimderdiń aılyq tabysy birneshe faktorǵa baılanysty belgilenedi: bilim deńgeıi, biliktilik sanaty, eńbek ótili, saǵat júktemesi, sondaı-aq eńbek jaǵdaıy, ǵylymı dárejesi, tálimgerlik qyzmeti jáne sabaqtan tys jumystarǵa beriletin qosymsha tólemder.

Sonymen qatar pedagogıkalyq sheberligine qaraı qosymsha ústemaqylar qarastyrylǵan:

Pedagog-sheber – 50%;

Pedagog-zertteýshi – 40%;

Pedagog-ekspert – 35%;

Pedagog-moderator – 30%.

Aýyldyq jerlerdegi muǵalimderge erekshe qoldaý kórsetiledi – olardyń eńbekaqysy qaladaǵy áriptesterinen 25%-ǵa joǵary.