Qazaqstanda 2026 jyldyń qańtar-mamyr ailarynda metall óndirisiniń negizgi túrleri boiynsha tómendeý tirkeldi, dep habarlaidy dalanews.kz.
Ulttyq statistika biýrosynyń málimetinshe, ótken jyldyń sáikes kezeńimen salystyrǵanda aliýminii, altyn, ferroqorytpa, kúmis jáne mys óndirisi azaiǵan. Eń úlken tómendeý aliýminii men altyn óndirisinde baiqaldy.
Bes aidyń qorytyndysy boiynsha aliýminii óndirisi 16,5 paiyzǵa tómendep, 624 myń tonnany qurady. Altyn óndirisi 16,2 paiyzǵa qysqaryp, 23,5 myń tonnaǵa jetti.
Sondai-aq ferroqorytpa óndirisi 10,1 paiyzǵa azaiyp, 858 myń tonnany, kúmis óndirisi 3,8 paiyzǵa tómendep, 252,4 myń tonnany qurady. Mys óndirisi de 0,4 paiyzǵa qysqaryp, 192,6 myń tonna bolǵan.
Al qara metallýrgiia salasynda ósim tek bolat óndirisinde tirkeldi. Onyń kólemi 0,1 paiyzǵa artyp, 2,8 mln tonnaǵa jetken.
Sarapshylar eksportqa baǵyttalǵan metall óndirisiniń tómendeýin birqatar faktormen bailanystyrady. Olardyń qatarynda negizgi ken oryndaryndaǵy qorlardyń sarqylýy, logistikalyq tizbekterdiń ózgerýi, Reseiden shikizat jetkizýge bailanysty qiyndyqtar jáne keibir iri kásiporyndardaǵy aktsionerlik ózgerister atalady.
Ónerkásip salasyndaǵy bul kórsetkishter Qazaqstan ekonomikasynyń mańyzdy eksporttyq sektorlarynyń birindegi óndiristik belsendiliktiń baiaýlaǵanyn kórsetedi.
