Qazaqstan Prezidenti Kasym-Jomart Tokaev jaqyn arada memlekettik nagradalar qataryna Qoja Ahmet Iasaýi esimimen atalatyn jańa orden engiziletinin málimdedi, dep habarlaidy Dalanews.kz
Memleket basshysy bul bastama tarihi-mádeni murany dáripteý jáne ulttyq qundylyqtardy nyǵaitý baǵytyndaǵy mańyzdy qadam ekenin atap ótti. Onyń aitýynsha, Qazaqstan Konstitýtsiiasynda azamattardyń tarihi jáne mádeni murany saqtaýǵa mindetti ekeni naqty kórsetilgen.
Prezident Túrkistan óńiriniń tarihi mańyzyna toqtalyp, bul jańashyldyq aimaq turǵyndary úshin erekshe mánge ie ekenin jetkizdi. Sondai-aq, eldiń damýy ulttyq bolmys pen mádeni negizge súiengende ǵana ilgerileitinin aitty.
Óz sózinde Kasym-Jomart Tokaev Qoja Ahmet Iasaýi tulǵasynyń álemdik deńgeidegi mańyzyn atap ótti. Prezidenttiń pikirinshe, uly oishyldy halyqaralyq deńgeide keńinen nasihattaý qajet, biraq eń aldymen ony Qazaqstan qoǵamyna tereń tanystyrý mańyzdy.
Osyǵan bailanysty Memleket basshysy Iasaýige arnalǵan kórkem jáne derekti filmder túsirý, ǵylymi eńbekterdi qoldaý jáne elimizdiń barlyq óńirlerinde onyń murasyna arnalǵan oqýlar uiymdastyrý qajettigin aitty.
Prezidenttiń málimdeýinshe, jańa orden otandyq jáne sheteldik ǵalymdarǵa, sondai-aq memleket jáne qoǵam qairatkerlerine tabystalmaq. Onyń mártebesi joǵary deńgeide bolady.
