Qazaqstanda kitap naryǵy damyǵan ba?
Jiyn shymyldyǵyn túrgen saiasattanýshy Edýard Poletaevtyń aitýynsha áleýmettik jeliler halyq pen kitaptyń arasyna alystatyp jiberdi.
Osy kezeginde atalǵan máselege bailanysty pikir bildirgen jazýshy Dmitrii Shishkin Qazaqstandaǵy kitap ónimderiniń 80 paiyzy oqýylyqtar ekenin. Baspalar básekeden qashyp, memlekettik tapsyryspen ǵana kún kórip otyrǵanyn tilge tiek etti.
«Sosyn mektep oqýlyqtaryn da jóndep shyǵarmaidy. Bilim jáne ǵylym ministrliginiń deregishne 88 paiyz mektep oqýlyqtary jetildirý maqsatynda baspalarǵa qaitadan qaitarylady eken» dedi ol.
Al sarapshy Aidarhan Qusaiynovtyń aitýynsha elimizdegi kitap naryǵynyń turalap turǵany baspalardyń kinásinen emes. Bar másele aqparattyq saiasatta. «Qazaqstandyq jazýshy jahandyq daǵdarys, AQSh pen Resei taqyrybynda qyrýar kitap jazyp tastaýy múmkin. Alaida onyń jarnamasy jasalmasa, nasihaty júrmese bul týyndylardyń eshkimge keregi bolmaidy» deidi ol.
Otyrystyń sońyn túiindegen saiasattanýshy Ádil Káýkenov, óz sózinde: «Jazýshylyqpen ainalysqan adam eshnársege alańdamaýy kerek. Ol bala-shaǵasyn qalai asyraimyn, qalai aqsha tabamyn, qalai kún kóremin degen kúndelikti tirshiliktiń kúibeńine kóńil bólmeýi tiis.
Sonda ǵana jaqsy týyndy týady. Al oiy san-saqqa júgirip, kóńili bólinip, jumys ústeline otyrýǵa áreń ýaqyt tabatyn adam qandai jaqsy dúnie týǵyza alady, aityńyzdarshy» degen pikir bildirdi.
