Qazaqstanda Jeńistiń 75 jyldyǵyna arnalǵan parad ótpeitin boldy
Bul týraly prezidenttiń baspasóz hatshysy Berik Ýáli habarlady.
Memleket basshysy elimizde koronavirýstyń taralýyna jol bermeýge bailanysty Naýryz merekesine arnalǵan qoǵamdyq sharalardy jáne elordada Jeńistiń 75 jyldyǵyna arnalǵan áskeri paradty ótkizbeý týraly sheshim qabyldady. Sonymen qatar buǵan deiin josparlanǵan halyqaralyq forýmdardy keiinge shegerýdi tapsyrdy.
Degenmen shaǵyn jáne orta biznes jumysyn jalǵastyra berýi tiis.
Qasym-Jomart Kemeluly shekteý sharalary olardyń jumysyna kedergi keltirmeýi kerek ekenin atap aitty. Iri kásiporyndar da úzdiksiz jumys istei beredi.
Ózderińizge belgili, búgin Prezident koronavirýs pandemiiasyna qarsy kúres máselesi jóninde birqatar memlekettik organ basshylarymen shuǵyl keńes ótkizdi. Jaǵdai Memleket basshysynyń udaiy baqylaýynda.
