Qarjy minstri Mádi Takiev jáne Ulttyq ekonomika ministri Nurlan Baibazarov Qazaqstanda jalaqy nege az ekenin túsindirdi, - dep habarlaidy Dalanews.kz.
Ministr búgingi tańda 100-150 myń aralyǵyndaǵy jalaqyny qazaqstandyqtardyń 35 paiyzy alatynyn aitty.
"300-600 myń aralyǵynda 36 paiyzy alady. Búgingi tańda ekonomikanyń kórinisi sondai. Jalpy kóp kómek berilip jatyr. 2-3 jyldyń ishinde muǵalimder, dárigerlerdiń jalaqysy kóterildi. Áli de kóbeiedi dep senemiz. Odan basqa eń tómengi jalaqy 85 myń teńge", - deidi Takiev.
Al Ulttyq ekonomika ministri Nurlan Baibazarov ekonomikalyq sektordaǵy jalaqy óndiristiń ónimdiligine bailanysty ekenin aitady.
"Jalaqy bir orynda turǵan joq. Kásiporyndar tabysy artqan saiyn qyzmetkerlerdiń jalaqysyn kóterýge tyrysady. Ekinshi jaǵynan memlekettik qoldaý sharalary kezinde qoiylatyn talap - qyzmetkerleriniń jalaqysyn kóterip qoiýy qajet. Eger biýdjet salasy jaily aitar bolsaq, ózderińizge belgili, keiingi jyldary biýdjet esebinen memlekettik, azamattyq qyzmetkerlerge jalaqyny kóterý jumystary júrgizildi. Áli de júrgizilip jatyr. Sondyqtan biýdjettiń múmkindiginshe halyqtyń ál-aýqatyn kóterý úshin jumysty jalǵastyramyz", - deidi Baibazarov.
