Qazaqstanda elektrondyq sıfrlyq qoltańba (ESQ) kiltterin qaıta shyǵarý tártibi kúsheıtildi. Endi bul proses kezinde azamattyń jeke basyn mindetti túrde qosymsha rastaý talap etiledi, dep habarlaıdy Dalanews.kz.
«Ulttyq aqparattyq tehnologıalar» AQ málimetinshe, kiltterdi qaıta shyǵarý kezinde qosymsha tekserý eki jolmen júrgiziledi:
- SMS arqyly – Qazaqstan Respýblıkasynyń mobıldi azamattar bazasynda tirkelgen nómirge bir rettik kod jiberilip, ony engizý arqyly;
- eGov Mobile qosymshasyndaǵy sıfrlyq qujattaǵy kodty engizý arqyly.
Aıta ketý kerek, bul mehanızm Qazaqstan Respýblıkasynyń beırezıdentterine qoldanylmaıdy, sebebi olardyń telefon nómiri Qazaqstan Respýblıkasynyń mobıldi azamattar bazasynda tirkelmegen.
Qabyldanǵan shara paıdalanýshylardyń elektrondyq sıfrlyq qoltańba kiltterin zańsyz qoldanýdan qorǵaýǵa, qaýipsizdikti arttyrýǵa baǵyttalǵan jáne kiltterdi qaıta shyǵarý prosesin senimdirek etedi.
