Qazaqstanda esirtki jáne psihotrop preparattardyń tizimi keńeitildi. Bul týraly Ishki ister ministrligi ókilderi málimdedi, - Dalanews.kz.
Úkimet tiisti qaýly qabyldady. Soǵan sai tizimge 8 jańa pozitsiia qosyldy. Oǵan qosa prekýrsor qosyldy jáne olardyń qylmystyq mólsheri aiqyndaldy.
"Bular - Para-fliýorofentanil, Brorfin, Metonitazen esirtki zattary: 3-metoksifentsiklidin, Evtilon, Klonazolam, Diklazepam, Flýbromazolam psihotrop zattar jáne 4-metilpropiofenon esirtki óndirisinde qoldanylatyn Prekýrsor. Bul zattar Eýraziialyq ekonomikalyq komissiianyń sheshimimen Eýraziialyq ekonomikalyq odaqta baqylaýǵa jatatyn esirtkiler tizbesine engizilgen. Bul olardyń baqylaýdaǵy zattardyń ulttyq tizimine enýine negiz boldy", – dedi ministrlik ókili.
2019 jyly Úkimetke esirtki tizimin bekitý quzyreti berilgen edi. Sodan beri tizim 154 jańa psihoaktiv zatpen tolyqtyrylyp otyr, onyń ishinde 125 esirtki jáne psihotrop zattar jáne 29 prekýrsor bar.
Esirtkini tizimge engizý protsedýrasy shamamen bir aiǵa sozylady. Bul úshin zattar Eýraziialyq odaq elderiniń tizbelerinde nemese BUU-nyń esirtkini baqylaý jónindegi Halyqaralyq komitetiniń usynymda bolýy jetkilikti. Sonymen qatar, Qazaqstanda azamattardyń ómiri men densaýlyǵyna qaýip tóndiretin 700-ge jýyq esirtki túri baqylanady.
