Qazaqstanda taǵy bir dron fakúlteti ashylady. Bul kelisimge ındýstrıa jáne qurylys mınıstrligi delegasıasynyń Ońtústik Koreıaǵa sapary kezinde qol jetkizildi, dep habarlaıdy Dalanews.kz 24.kz-ke siltep.

3 kún ishinde qonaqtar Koreıa úkimetiniń múshelerimen, iri kompanıalardyń basshylarymen kelissózder júrgizip, Djeı jáne Shınhan ýnıversıtetterinde boldy. Onda olar leksıalarǵa qatysyp, ushqyshsyz ushaqtardy jasaý úshin ınjenerlerdi oqytý úderisimen tanysty.

Indýstrıa jáne qurylys mınıstrliginiń málimetinshe, ázirge Qazaqstanda eki ýnıversıtette ǵana ushqyshsyz ushý kafedrasy bar. Endi bireýi Djeı ýnıversıtetiniń kómegimen ashylady. Koreıalyq profesorlar Qazaqstanda ushqyshsyz ushaqtar salasyna kadrlar daıyndaıdy.

“Djeı akademıasynda joǵary synyp oqýshylary men óndiriste jumys isteıtinder úshin arnaıy baǵdarlamalar bar. Osy baǵdarlamalar arqyly mamandardy daıyndaımyz. Djeı ýnıversıtetiniń ókilderi Qazaqstanǵa kelip, tehnıkalyq ýnıversıtetterdi aralap, olardyń arasynan seriktesterdi tańdaıdy. Koreı jáne túrik tarapy bizge ushqyshsyz ushaqtardy shyǵarý tehnologıalary men quzyretterin berýge daıyn”, – dep málimdedi ındýstrıa jáne qurylys vıse-mınıstri Azamat Beıspekov.