Qazaqstanda qan tapsyrǵan azamattarǵa beriletin ótemaqy kólemi artpaıdy, dep habarlaıdy Dalanews.kz.
Qarjy mınıstrligi donorlarǵa tólenetin ótemaqyny 0,25 AEK-ten 1,25 AEK-ke deıin ósirý týraly usynysty qoldamady. Buǵan sebep - 2028 jyldyń sońyna deıin jańa áleýmettik shyǵyndarǵa qoıylǵan shekteý.
Osyǵan baılanysty Densaýlyq saqtaý mınıstrligine donorlardy qarjylaı emes, ózge tásildermen yntalandyrý usynyldy. Iaǵnı jeńildikter berý, mártebesin arttyrý sıaqty qoldaý túrleri qarastyrylýy múmkin.
Buǵan deıin Úkimet "Qurmetti donor" ataǵyn qaıtarý jáne tólemdi kóbeıtý máselesin talqylaǵan edi. Alaıda 2026–2028 jyldarǵa arnalǵan búdjette burynǵy qarjy kólemi saqtalǵan. Bul baǵytqa 809,8 mln teńge qarastyrylǵan.
Donorlardy qosymsha qoldaý máselesin endi jergilikti ákimdikter óz deńgeıinde sheshedi.
