Qazaqstanda vitaminderdiń bólshek saýdadaǵy baǵasy ósip jatyr. Biylǵy qańtar–maýsym ailary aralyǵynda bir qaptama vitaminniń ortasha quny ótken jyldyń sáikes kezeńimen salystyrǵanda 15%-ǵa qymbattaǵan. Al 2025 jyldyń alǵashqy jartyjyldyǵynda baǵanyń ósý qarqyny 8,5% bolǵan edi. Bul týraly EnergyProm sarapshylary málimdedi, dep habarlaidy dalanews.kz.
Ulttyq statistika biýrosynyń derekterine sáikes, 2026 jyly vitaminder, provitaminder jáne olardyń týyndylary óndirisiniń jalpy kólemindegi qazaqstandyq ónimniń úlesi nebári 1%-dy quraǵan. Osy kezeńde import kólemi 41%-ǵa ósip, 242,4 tonnaǵa jetti.
Sarapshylardyń pikirinshe, importtyń aitarlyqtai artýyna ishki naryqtaǵy suranystyń ózgerýi jáne dástúrli túrde qazan aiynda bastalatyn tumaý men sýyq tiiý maýsymy qarsańynda qor jinaý áser etýi múmkin.
El ishinde vitaminderdiń satylymy 235 tonnadan asty. Sonymen qatar eksport kólemi de edáýir ulǵaiyp, 4,4 esege ósip, 9,2 myń tonnaǵa jetken. Alaida otandyq óndiristiń úlesi óte tómen bolǵandyqtan, bul kórsetkishti negizinen qaita eksport retinde baǵalaýǵa bolady.
