Qazaqstanda dári qymbattap jatqany týraly aqparat tarady. Densaýlyq saqtaý ministrliginiń Meditsinalyq jáne farmatsevtikalyq baqylaý komiteti osy jaǵdaiǵa pikir bildirdi, dep habarlaidy Dalanews.kz.
Vedomstvo aqparatyna súiensek, 2025 jyldan beri elimizde dári baǵasyn memlekettik retteýdiń jańartylǵan tetigi iske asyrylyp jatyr. Qazir 4994 dárige shekti baǵa bekitilgen.
"Retseptisiz beriletin 1707 preparat memlekettik retteýden shyǵarylǵan. Ýákiletti organdardyń turaqty monitoringi barysynda naryqtaǵy baǵamen satylyp jatyr", - dep jazylǵan habarlamada.
Qazaqstannyń 20 óńirinde júrgizilgen monitoring barysynda qyrkúiekte maýsymmen salystyrǵanda 34 paiyz dáriniń baǵasy tómendegeni (orta eseppen 7,8 paiyzǵa) anyqtalǵan; qazanda 50 paiyz dáriniń baǵasy tómendegen (orta eseppen 11,1 paiyzǵa).
Myna dári túrleri aitarlyqtai arzandaǵan:
- Gepar komp. Heel 41,2 paiyzǵa;
- Revmoksikam® 32,5 paiyzǵa;
- Tsefiaps 31,6 paiyzǵa;
- VALMAK-N 24,7 paiyzǵa;
- Zitmak® 20 paiyzǵa.
