Ónerkásip jáne qurylys ministri Qanat Sharlapaev Úkimet otyrysynda sońǵy 30 jylda Qazaqstanda temir, marganets, altyn, ýran, munai jáne gaz qorlarynyń ósýi baiqalǵanyn aitty. Ol Qazaqstannyń mineraldyq-shikizat bazasyna 987 qatty paidaly qazbalar bar ekenin jáne olardy barlaý dinamikasy oń kórsetkishke ie ekenin atap ótti, dep habarlaidy Dalanews.kz.
"Altynnyń ornyn toltyrý koeffitsienti – 1,2. Bul altynnyń barlanǵan qorynyń kólemi altyn óndirýdiń kóleminen kóp ekenin kórsetedi. Mys boiynsha koeffitsient – 0,7. Bul rette jer qoinaýyn paidalanýshylarymen mys boiynsha perspektivaly jer qoinaýy ýchaskeleri belsendi túrde barlanýda", — dedi Qanat Sharlapaev.
Sondai-aq ministr Qazaqstandaǵy jerde sirek kezdesetin metaldardy geologiialyq barlaýdyń perspektivaly ýchaskeleri jaiyna da toqtaldy. Ol sirek kezdesetin metaldar salasyn damytýǵa baǵyttalǵan jer qoinaýyn memlekettik geologiialyq zertteý aiasynda 12 ýchaskede izdeý jumystary jalǵasyp jatqanyn atap ótti.
"Búgingi tańda jerde sirek kezdesetin metaldar qory shamamen 800 myń tonnaǵa baǵalanatyn Kúirektikól ýchaskesi ýchaskesiniń bolashaǵy týraly derekter bar", — dedi Qanat Sharlapaev.
Sondai-aq ministrliktiń málimetinshe, jerde sirek kezdesetin metaldardy barlaýdy – Cove Capital jáne HMS Bergbau siiaqty jeke kompaniialar júrgizedi.
