Qazaqstanda balalar men jasóspirimderdiń áleýmettik jelige kirýin shekteý máselesi kóterildi. Bul týraly Jasandy intellekt jáne tsifrlyq damý ministri Jaslan Mádiev málimdedi, dep habarlaidy Dalanews.kz.
Ministrdiń aitýynsha, bul baǵyttaǵy naqty sheshim áli qabyldanǵan joq. Másele ázirge jan-jaqty saraptaý kezeńinde qarastyrylyp jatyr. Iaǵni, halyqaralyq tájiribe men qoǵam pikiri eskerilip, túrli nusqa zerdelenýde.
Jaslan Mádiev birqatar elderde engizilip jatqan shekteýlerge nazar aýdardy. Onyń sózinshe, mysaly, Avstraliiada 16 jasqa tolmaǵan balalarǵa áleýmettik jelilerdi paidalanýǵa tyiym salynǵan. Al Eýropa elderi, sonyń ishinde Frantsiia da osyǵan uqsas sharalardy qolǵa alýdy josparlap otyr.
Sonymen qatar ministr ata-analardyń jaýapkershiligine erekshe toqtaldy. Ol balalardyń internettegi qaýipsizdigin qamtamasyz etý úshin smartfondardaǵy "ata-ana baqylaýy" fýnktsiiasyn belsendi qoldanýǵa keńes berdi.
Jalpy, bul bastama balalardyń tsifrlyq keńistiktegi qaýipsizdigin kúsheitýge baǵyttalǵan.
