2025 jyldyń úshinshi toqsanynda Qazaqstannyń 70 eldi mekeninde atmosferalyq aýany baqylaý nátıjesinde lastaný shegi óte joǵary deńgeıdegi 6 eldi meken anyqtaldy: Qaraǵandy, Sátpaev, Aqtóbe, Qulsary jáne Astana qalalary, sondaı-aq Shubarshı aýyly dep habarlaıdy Dalanews.kz Ranking-ke silteme jasap.
Atmosferalyq aýanyń joǵary deńgeıde lastaný kategorıasyna taǵy 11 eldi meken endi: Almaty, Atyraý, Temirtaý, Petropavl, Talǵar, Pavlodar, Qostanaı, Abaı, Túrkistan qalalary, sondaı-aq Janbaı aýyly men Qyzylsaı kenti. Al aýa lastanýynyń joǵary deńgeıi kategorıasyna 19 qala men tórt kent, al tómen deńgeıi kategorıasyna 16 qala, segiz kent jáne alty aýyl jatqyzyldy.
— Sońǵy bes jylda, 2021 jyldan 2025 jylǵa deıin, atmosferalyq aýanyń turaqty joǵary deńgeıde lastanýy birden jeti qalada baıqaldy — Almaty, Atyraý, Aqtóbe, Qaraǵandy, Temirtaý, Petropavl jáne Astana. Sonymen qatar, Atyraý men Petropavlda negizgi lastaýshy zat tek kúkirtsýtek bolyp tabylady, Aqtóbede — azot dıoksıdi men kúkirtsýtek, al Temirtaýda — kómirtek oksıdi, azot dıoksıdi, kúkirtsýtek jáne fenol. Almaty, Qaraǵandy jáne Astana qalalarynda lastaýshy zattardyń keń aýqymy baıqalady: ilingen bólshekter (shań, RM2.5 jáne RM10), kómirtek oksıdi, azot dıoksıdi men oksıdi, kúkirtsýtek; al Almatyda qosymsha kúkirt dıoksıdi men fenoldyń atmosferalyq aýada bolýy tirkelgen, — dep habarlaıdy sarapshylar.
