Qazaqstanda ata-analar men muǵalimderdiń mektep chattaryndaǵy qarym-qatynasyn retteitin biryńǵai ereje ázirlenýi múmkin. Bul týraly Úkimettegi brifingte oqý-aǵartý ministri Juldyz Súleimenova málimdedi, dep habarlaidy dalanews.kz.
Brifing barysynda ministrden "ata-analar men pedagogterdiń mektep chattaryndaǵy qarym-qatynasyna naqty talaptar engizý qajet pe?" degen suraq qoiyldy.
Juldyz Súleimenova mundai tártip qajet ekenin qoldady.
"Qazir osy máselege qatysty barlyq pikirdi jinap jatyrmyz, pikirlerdi kórip otyrmyz. Keibir ata-analar bul bastamany jaqsy túsinip, qoldaitynyn da baiqap otyrmyz", - dedi ministr.
Juldyz Súleimenovanyń aitýynsha, bastapqyda muǵalimder keshki saǵat 18:00-den keiin ata-analardyń habarlamalaryna jaýap bermeýi kerek degen usynys qaralǵan. Alaida ministrlik bul ýaqyt barlyq mektepke birdei sáikes kelmeitinin eskergen.
"Qajet bolsa, Oqý-aǵartý ministrligi ata-analar chattaryna qatysty barlyq máseleni retteitin biryńǵai normalardy ázirleýge daiyn. Menińshe, buǵan ýaqyt keldi. Bulai jalǵasa bermeidi", - dedi Juldyz Súleimenova.
