Qazaqstanda Antikor men UQK biriktirildi

Qazaqstanda Sybailas jemqorlyqqa qarsy is-qimyl agenttigi men UQK biriktirildi,- dep habarlaidy Dalanews.kz.

Prezident "Memlekettik basqarý júiesin jetildirý jónindegi sharalar týraly" jarlyqqa qol qoidy:

1. Qazaqstan Respýblikasynyń Ulttyq qaýipsizdik komitetine qosý arqyly Qazaqstan Respýblikasynyń Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet) qaita uiymdastyrylsyn.
2. Qazaqstan Respýblikasy Ulttyq qaýipsizdik komitetiniń vedomstvosy – Qazaqstan Respýblikasy Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti (budan ári – Qyzmet) qurylsyn.
3. Qaita uiymdastyrylǵan Qazaqstan Respýblikasy Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) sybailas jemqorlyqqa qarsy saiasatty qalyptastyrý men iske asyrý, sybailas jemqorlyqqa qarsy is-qimyl salasyndaǵy úilestirý, sondai-aq sybailas jemqorlyq quqyq buzýshylyqtar jasaýǵa yqpal etetin sebepter men jaǵdailardy barynsha azaitý, sondai-aq sybailas jemqorlyqqa qarsy mádenietti qalyptastyrý jónindegi fýnktsiialary men ókilettikteri Qazaqstan Respýblikasy Memlekettik qyzmet isteri agenttigine berilsin.
4. Qazaqstan Respýblikasy Ulttyq qaýipsizdik komiteti men Qazaqstan Respýblikasy Memlekettik qyzmet isteri agenttigin beriletin fýnktsiialar men ókilettikterge sáikes Qazaqstan Respýblikasy Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) quqyqtary men mindettemeleriniń quqyqtyq mirasqory bolyp aiqyndalsyn.
5. "Qazaqstan Respýblikasy Prezidentiniń Ákimshiligi týraly erejeni bekitý týraly" Qazaqstan Respýblikasy Prezidentiniń 2008 jylǵy 11 naýryzdaǵy № 552 Jarlyǵyna mynadai ózgeris engizilsin: joǵaryda atalǵan Jarlyqpen bekitilgen Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń tizbesinde: «Qazaqstan Respýblikasy Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet)» degen jol alyp tastalsyn.
6. Qazaqstan Respýblikasy Ulttyq qaýipsizdik komiteti bir ai merzimde Qazaqstan Respýblikasy Prezidentiniń qaraýyna: 1) Qyzmet týraly erejeniń jobasyn; 2) Qazaqstan Respýblikasynyń Úkimetimen jáne Qazaqstan Respýblikasy Memlekettik qyzmet isteri agenttigimen birlesip, qaita uiymdastyrylǵan Qazaqstan Respýblikasy Sybailas jemqorlyqqa qarsy is-qimyl agenttiktiń (Sybailas jemqorlyqqa qarsy qyzmettiń) beriletin fýnktsiialary men ókilettikterine sáikes shtat sanyn qaita bólý jónindegi usynystardy engizsin.
7. Qazaqstan Respýblikasy Memlekettik qyzmet isteri agenttigi bir ai merzimde Qazaqstan Respýblikasy Prezidentiniń qaraýyna Agenttik týraly erejege ózgerister men tolyqtyrýlar engizý týraly Jarlyq jobasyn engizsin.
8. Qazaqstan Respýblikasy Ulttyq qaýipsizdik komiteti jáne Qazaqstan Respýblikasy Memlekettik qyzmet isteri agenttigi eki ai merzimde osy Jarlyqty iske asyrý jónindegi ózge de sharalar qabyldasyn.
9. Qazaqstan Respýblikasynyń Úkimeti 2025 jylǵy 1 qyrkúiekke deiin osy Jarlyqtan týyndaityn zań jobasyn ázirlesin jáne Qazaqstan Respýblikasy Parlamenti Májilisiniń qaraýyna engizsin.
10. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
11. Osy Jarlyq qol qoiylǵan kúninen bastap qoldanysqa engiziledi.