Qazaqstanda 2040 jylǵa deiin ortaaziialyq tasbaqany (Testudo horsfieldii) aýlaýǵa jáne onyń barlyq ónimin satýǵa nemese paidalanýǵa tyiym salyndy, dep habarlaidy Dalanews.kz.
Ekologiia ministrliginiń Orman sharýashylyǵy jáne janýarlar dúniesi komitetiniń málimetinshe, sheshim ǵylymi derekter men popýliatsiiany monitoringteý nátijelerine negizdelgen. Atalǵan túr osal janýar retinde tanylyp, Halyqaralyq tabiǵatty qorǵaý odaǵynyń (IUCN) Qyzyl tizimine jáne CITES konventsiiasynyń II qosymshasyna engizilgen. Bul tasbaqaǵa qatysty qorǵaý sharalaryn kúsheitýdi talap etedi.
Vedomstvo ókilderiniń aitýynsha, atalǵan shara tabiǵi popýliatsiiaǵa túsetin júktemeni azaityp, bioalýantúrlilikti saqtaýǵa múmkindik beredi. Tasbaqany zańsyz aýlaý nemese ainalymǵa engizý úshin qylmystyq jaýapkershilik qarastyrylǵan. Iaǵni, 3000 AEK-ke deiin aiyppul, qoǵamdyq jumystar nemese úsh jylǵa deiin bas bostandyǵynan aiyrý, sondai-aq múlik tárkilenýi múmkin.
