2025 jyldyń aqpan aiynan bastap Qazaqstan Respýblikasynyń azamatynyń jańa úlgidegi tólqujatynyń dizainyn ázirleý jumystary bastaldy, dep habarlaidy Dalanews.kz.
Qoldanystaǵy tólqujat dizainyna 17 jyl bolǵan. Qazirgi ýaqytta Ulttyq banktiń jetekshi dizainerleri men Banknot fabrikasynyń mamandary tólqujattyń kórkemdik resimdelýiniń negizgi tásilderin qalyptastyrdy.
Bul jumysta halyqaralyq standarttar men zamanaýi trendter eskerildi: minimalistik stil, vizalyq betterge arnalǵan fondyq beineler, qoldan jasaýdan qorǵaityn jańa elementter. Jańa dizain tujyrymdamasy daiyndaldy. Ol Qazaqstannyń biregei erekshelikterin, ulttyq bolmysyn, mádeni ár alýandylyǵy men elimizdiń kórikti jerlerin aishyqtaidy.
Tólqujattyń jańa dizainyna arnalǵan tujyrymdama jaqyn arada jurtshylyqqa tanystyrylady. Kelesi kezeń- tsifrlyq úlgisin ázirlep, ony kópsatyly baspa jáne qorǵanys tehnologiialaryn qoldaný arqyly daiyndaý jumysy bolmaq. Bul birneshe aiǵa sozylady.
Jańa dizaindaǵy tólqujattyń qoldanysqa engizilýi burynǵy tólqujattardy jappai aýystyrýdy bildirmeidi. Mundai tólqujattar jaramdylyq merzimi aiaqtalǵan kezde, qujat búlingen jaǵdaida nemese azamattyń jeke qalaýymen ǵana beriletin bolady. Jańa úlgidegi tólqujattyń quny azamattar úshin ózgermeidi.
Búgin Banknot fabrikasynyń mamandarymen aldaǵy ýaqytta júrgiziletin tsifrlyq maketti jasaý jáne jańa dizaindaǵy tólqujatty daiyndaý jumystarynyń tehnikalyq tustaryn talqyladyq, - dep jazdy Erlan Karin Instagram paraqshasynda.
