Sý resýrstary jáne irrigatsiia ministrliginiń «Sý resýrstarynyń aqparattyq-taldaý ortalyǵy» KEAQ byltyr qabyldanǵan Sý kodeksinde kózdelgen sý resýrstaryn qorǵaý jáne paidalaný jónindegi segiz basseindik jospardy ázirleýdiń ekinshi kezeńin júzege asyryp jatyr, dep habarlaidy dalanews.kz.
Basseindik josparlar tiisti basseinniń sý sharýashylyǵy balansyn, sý resýrstarynyń jai-kúii men paidalanylýyn baǵalaýdy, sý sharýashylyǵy jáne gidrotehnikalyq nysandardy jańǵyrtý, balamaly sý kózderin paidalaný jáne jerústi sý nysandaryn qalpyna keltirý jónindegi sharalardy, sondai-aq sý paidalanýdyń ekonomikalyq tetikterin jetildirý boiynsha usynystardy qamtidy. Josparlarda sýdyń ziiandy áseri men qurǵaqshylyq táýekelderiniń aldyn alý sharalary da kózdelgen.
Birinshi kezeńde bastapqy derekterdi jinaý jáne taldaý boiynsha aýqymdy jumys júrgizildi. Atap aitqanda, sý nysandary, jerústi jáne jerasty sý resýrstary, tabiǵi-klimattyq jaǵdailar, sý sapasy, sý paidalaný, sý sharýashylyǵy infraqurylymynyń jai-kúii jáne ekologiialyq ahýal týraly aqparat jinaqtaldy. Sondai-aq tiisti aýmaqtardyń áleýmettik-ekonomikalyq kórsetkishteri zertteldi.
Ekinshi kezeńde jinalǵan derekter men sý sharýashylyǵy balanstarynyń esepteý nátijelerin eskere otyryp, qoldanystaǵy problemalar men qaýip-qaterler aiqyndalyp, olardyń mańyzdylyǵy boiynsha jiktelýde. Sonymen qatar sýmen qamtamasyz etilý deńgeiiniń ózgerýine boljam jasalyp, sýdyń ziiandy áser etý táýekelderi baǵalanýda.
Basseindik josparlardy ázirleýdiń kelesi kezeńderinde maqsattar, mindetter men nysanaly indikatorlar aiqyndalady, sý sharýashylyǵy jáne sý qorǵaý is-sharalarynyń nusqalary ázirlenedi, olarǵa áleýmettik-ekonomikalyq jáne ekologiialyq baǵalaý júrgiziledi, is-sharalardyń túpkilikti baǵdarlamasy tańdalyp, ony iske asyrý kezeńderi belgilenedi. Bul rette josparlaý sý sharýashylyǵy basseinderiniń 15 jyldyq kezeńge arnalǵan damý perspektivalaryn eskere otyryp júzege asyrylady.
«Basseindik josparlar Qazaqstannyń sý resýrstaryn basqarýdyń jańartylǵan júiesiniń negizine ainalady. Olar elimizdiń segiz sý sharýashylyǵy basseininiń árqaisysy boiynsha jeke ázirlenip, aýmaqtardyń naqty erekshelikterin eskerýge múmkindik beredi. Atap aitqanda, sý resýrstarynyń qoljetimdiligi men kólemi, sý sharýashylyǵy infraqurylymynyń jai-kúii men damý perspektivalary, halyq pen ekonomikanyń qajettilikteri, sý sharýashylyǵy ýchaskeleriniń erekshelikteri jáne ekologiialyq ahýal nazarǵa alynady. Osy qujattardyń negizinde sý resýrstaryn keshendi basqarýdyń Bas jospary ázirlenip, sý qaýipsizdiginiń jalpyulttyq modelin qalyptastyrady. Bul qujat memlekettik josparlaýdyń mańyzdy elementine ainalady», – dedi Sý resýrstary jáne irrigatsiia birinshi vitse-ministri Nurlan Aldamjarov.
