«Biz brendti qaita qarap, ony jarqyn jáne este qalarlyq maǵynasy mol dúniemen tolyqtyrǵymyz keledi. Óitkeni onsyz eshqandai progress týraly aitý múmkin emes. Bálkim, bul XXI ǵasyrda balamasy joq jol shyǵar. Bul búgingi kúnniń shyndyǵy. Dese de, jasalǵan rebrending – aiasy tar maqsat nemese jai ǵana grafikalyq ózgeris emes. Bul bizdiń qundylyqtarymyzdyń, evoliýtsiiamyzdyń jáne kemeldikke degen umtylysymyzdyń kórinisi», – dep atap ótti QShF prezidenti Timýr Týrlov.
Jańa firmalyq stil elimizdiń mádeni tereńdigi men bolashaqqa ashyqtyǵyn kórsetetin dástúr men qazirgi zamannyń úilesimi. Onyń negizinde ál-aýqat pen molshylyqty beineleitin, qazaq mádenietindegi danalyqtyń nyshanymen jáne shahmattaǵy erekshe figýra – attyń beinesimen toǵysqan ejelgi «múiiz» oiý-órnegi jatyr. Ótken men búginniń ushtasýy Federatsiianyń Qazaqstandy bai tarihi muranyń saqtaýshysy retinde ǵana emes, shahmatty damytý úshin ozyq tehnologiialardy paidalanatyn álemdik qoǵamdastyqtyń progressivti qatysýshysy retinde kórsetýge degen talpynysty kórsetedi.
«Jalpy rebrendingtiń aýqymyna tek kórneki beineler ǵana emes, QShF jumysyndaǵy júieli ózgerister men jumysymyzdyń odan arǵy josparlary da kiredi. Osy turǵyda bizdiń federatsiiamyz kezeń-kezeńimen aýqymdy sharalar keshenin júzege asyrýda. Solardyń biri – filialdyq jelini damytý. Bul óte mańyzdy másele. Al osy filialdar jergilikti jerlerde túrli baǵdarlamalardy iske asyrý kezinde jumystyń negizgi quralyna ainalýy tiis», – dep qosty QShF prezidenti Timýr Týrlov.
QShF prezidentiniń aitýynsha, filialdyq jelini damytýdyń mańyzdy qozǵaýshy kúshi respýblikalyq «Shahmat kerýeni» jobasy bolýy tiis. «Shahmat kerýeni» – Qazaqstannyń barlyq óńirinde shahmat sportyn nasihattaýǵa baǵyttalǵan joba. Jobany ázirleýde shabyttandyrǵan Uly Jibek joly boldy, óitkeni ol búkil álem boiynsha saýda-sattyqpen qatar ártúrli halyqtardyń mádeni jáne sporttyq muralaryn alyp júrdi. Qazaqstan aýmaǵyndaǵy qalalarda «Shahmat kerýenin» uiymdastyra otyryp, Federatsiia bas seriktes Freedom Broker-diń qoldaýymen óńirlerde shahmat sportyn nyǵaitýǵa jáne filialdardyń senimdi jelisin qurýǵa umtylady», — dedi QShF atqarýshy direktory Gúlmira Dáýletova.
«Shahmat kerýeni» aiasynda Qazaqstannyń 20 qalasynda blits boiynsha ashyq shaǵyn týrnirler ótedi, onyń sharyqtaý shegi iri júlde qory tigilgen grand-final bolady. Óńirlik týrnirler 12 qyrkúiekte Kókshetaýda, 14 qyrkúiekte Petropavlda, 18 qyrkúiekte Qostanaida, 21 qyrkúiekte Qaraǵandyda, 24 qyrkúiekte Pavlodarda, 26 qyrkúiekte Semeide, 28 qyrkúiekte Óskemende, 2 qazanda Taldyqorǵanda, 4 qazanda Qonaevta, 7 qazanda Tarazda, 9 qazanda Shymkentte, 11 qazanda Túrkistanda, 13 qazanda Qyzylordada, 18 qazanda Jezqazǵanda, 22 qazanda Aqtóbede, 25 qazanda Oralda, 28 qazanda Atyraýda jáne 2 qarashada Aqtaýda ótedi. Óńirlik kezeńderdiń jeńimpazdary 10 qarasha kúni Túrkistan qalasynda ótetin grand-finalda kezdesedi.
«Ár qala boiyn úsh qatysýshy iriktelip, olar grand-finalǵa joldama alady. Olardyń aqshalai syilyq utyp alýǵa múmkindikteri bar. 1-orynǵa 5 mlnn teńge, 2-orynǵa 2,5 mln teńge, 3-orynǵa 1 mln teńge qarastyrylǵan. Biz jańa logotipi bar erekshe kiiz úi bolatyn úlken fýrgondy iske qosamyz. Bizdiń top alańǵa kelip, kiiz úi tigip, 20 adamǵa týrnir ótkizedi. Bul irikteýden ótkender. Osydan keiin kiiz úi bólshektelip, basqa qalaǵa ornatylady. Sonymen 20 qalaǵa saiahat jasaimyz», – dep tolyqtyrdy Gúlmira Dáýletova.
QShF Freedom Broker investitsiialyq kompaniiasynyń qoldaýymen Qazaqstanda shahmatty damytýǵa baǵyttalǵan úlken maqsat qoiyp otyr. «Qazaqstan birneshe ret ártúrli Álem, Aziia chempionattarynyń, Shahmat táji úshin match siiaqty mańyzdy oqiǵalardyń ortalyǵyna ainaldy. Bizdiń rebrending – bul bizdiń óz aldymyzǵa órshil mindetter qoiǵan jańa kezeńniń beinesi. Mysaly, «Mekteptegi shahmat» jobasy aiasynda biz úkimetpen, ákimdiktermen birlese otyryp, 5 jyl ishinde bastaýysh synyp balalarynyń 20%-na deiin qamtýdy josparlap otyrmyz. Bul eldegi shahmattyń damýyna úlken serpin beredi jáne ziiatkerlik ulttyń qalyptasýyna qosylǵan úlken úles bolady», – dedi ol óz pikirinde.
