Qazaqstan Ortalyq Aziiada birinshi bolyp Facebook-tiń CRS júiesine kirdi
– Meta-nyń búkil álem úkimetteri jergilikti zańnamany buzatyn kontent týraly habarlai alatyn arnaiy onlain-arnasy (Content Reporting System, CRS), bar. Qazaqstan sol CRS júiesiniń bir bóligine ainaldy, – dep jazdy Djorjd Chen Facebook-tegi resmi paraqshasynda.
QR Aqparat jáne qoǵamdyq damý ministrligi men Facebook internettegi Balalardyń quqyqtaryn qorǵaý úshin ziiandy kontentke qarsy is-qimyl máseleleri boiynsha tyǵyz yntymaqtastyq ornatýǵa ýaǵdalasqanyn habarlaǵan bolatyn.
Qazaqstan Úkimetine Facebook tarapynan qaýipsizdikti jáne aqparattyq keńistikti arttyrý máselesin sheshýge kómek kórsetý úshin ishki «kontent týraly habarlama júiesine (Content Reporting System (CRS) tikelei kiretin múmkindik berildi.
Sonyń arqasynda aqparat salasyna jaýapty ministrlik Facebook-ke jahandyq saiasattyń da, Qazaqstan Respýblikasynyń ulttyq zańnamasynyń da buzýshylyqtary bar kontent týraly jedel habarlaýǵa múmkindik beredi.
28 qazanda Facebook komandasy ministrliktiń mamandaryna «kontent týraly habarlama júiesimen» jumys isteý, sondai-aq Facebook-tiń kontent saiasaty jáne qoǵamdastyq standarttary boiynsha trening ótkizdi.
Qarasha aiynyń basynan bastap ministrlik atalmysh júiede jumys istei bastaidy. Eki tarap ta ózara is-qimyldyń turaqty tetigin, onyń ishinde ministrlikpen túrli aspektiler boiynsha tyǵyz jumys isteitin Facebook óńirlik ofisinen ýákiletti ókildi anyqtaýdy kózdeitin turaqty tetigin belgileý týraly kelisimge keldi.
Kontent týraly habarlama júiesi (CRS) degenimiz – «Meta» kompaniiasynyń «Facebook» jáne «Instagram» platformalaryndaǵy jahandyq kontent saiasatyn da, júiege ruqsaty bar memleketterdiń ulttyq zańnama talaptaryn da buzatyn kontent týraly habarlama jiberýge paidalanylatyn ishki aqparattyq júiesi. CRS júiesi álem memleketteriniń, budan bylai Qazaqstan Respýblikasynyń da ýákiletti organdary úshin «Meta» («Facebook») kompaniiasynyń kontenttik saiasatqa jaýap beretin halyqaralyq komandasymen tikelei bailanys arnasyn usynady. CRS qoldaný ziiandy kontentti joiý boiynsha qabyldanyp jatqan sharalardyń jedeldigin jáne jalpy «Facebook» pen «Instagram» platformalarynda zańnamaǵa qaishy keletin materialdardyń taralýyna qarsy is-qimyl boiynsha júrgizilip jatqan jumystyń tiimdiligin arttyrýǵa múmkindik beredi.
