Qazirgi tańda Bul baǵyttaǵy jumystarmen QR Ekologiia, geologiia jáne tabiǵi resýrstar ministrligi keshendi túrde ainalysyp, qazynaly qazaq jerinde qanshama tabiǵi resýrstardyń qory baryn anyqtaýǵa kúsh salyp keledi. Taiaýda QR Ekologiia, geologiia jáne tabiǵi resýrstar vitse-ministri Serikqali Birekeshev Ortalyq kommýnikatsiialar ortalyǵynda Qazaqstandaǵy mineraldy-shikizat qory jaiynda jan-jaqty aqparat berip, jýrnalisterdiń qoiǵan suraqtaryna jaýap berdi.
Vitse-ministrdiń aitýynsha elimizde tutastai alǵanda dál qazir elimizdiń aýmaǵynda 317 munai ken orny bar ekenin alǵa tartty. Mundaǵy shikizattyń qory 4,4 mlrd tonnaǵa jýyqtaidy eken.
– Sońǵy derekterge súiensek, Qazaqstannyń jer qoinaýynda paidaly qazbalardyń 8 myńǵa jýyq ken oryndary tirkelgen. Bulardyń ishinde kómirsýtek qory – 317 (munai jáne gaz), el aýmaǵynda keńinen taralǵan paidaly qazbalar – 3 myńnan astam jáne 900-ge tarta qatty paidaly qazbalar shoǵyry bar. Budan bólek 4 myńǵa jýyqtap qalatyn jerasty sýynyń ken ornyndary bar, – dep Serikqali Birekeshev tilshiler qaýymyna biraz maǵulmat berdi.
Óz kezeginde Serikqali Birekeshev el ekonomikasyna eselep tabys ákelip jatqan paidaly qazbalardy taýyp, anyqtaýda geolgtardyń sińirgen eńbegi eren ekenin atap ótti.
– Geologtardyń eren eńbeginiń arqasynda Qazaqstanda munai-gaz sektory men taý-ken salasy toqtaýsyz jumys istep, elimizdiń yrysyn arttyryp keledi. Bilikti geolog mamandar ashqan ken oryndary elimizdiń tqraqty ekonomikalyq daýyn qamtamasyz etip otyr. Keńes zamanynda kóptegen qalalar geologtardyń eńbeginiń nátijesinde paida boldy. Qazir de jer qoinaýyn zerttep júrgen mamandardyń eńbeginiń qadiri artpasa kemigen joq. Osy rette memleketimizde geolg mamandardyń jer qoinaýyna keshendi túrde barlaý jumystaryn júrgizýge barynsha qoldaý kórsetip keledi, – dedi vitse-ministr Serikqali Birekeshev.
Jiynda vitse-ministr elimiz boiynsha geologiialyq barlaý jumystaryna jekelgen kompaniialar da qarjy bólip, onyń kólemi 5 paiyzǵa jetkenin atap ótti. Búginde «QazMunaiGaz» kompaniiasy barlaý jumystaryna tiisti deńgeide kóńil bólip júrgeni belgili. Aldaǵy ýaqytta bul baǵyttaǵy jumystardyń órisin keńeitýdiń mańyzy zor.
Onlain formatta jýrnalistermen júzdesken vitse-ministr elimizdegi munai qorynyń kólemine qatysty suraq qoiylǵanda, ol Qazaqstanda munaidyń mol qory jinaqtalǵanyn alǵa tarta kele, onyń basym bóligi Atyraý men Mańǵystaý oblysynda shoǵyrlanǵanyn alǵa tartty. Serikqali Birekeshevtiń esebinshe, Atyraý oblysynda elimizdegi munai qorynyń 75 paizy shoǵyrlansa, Mańǵystaý oblysyndaǵy munaidyń úlesi 11 paiyzdy quraidy eken.
– Qazirgi tańda Qazaqstandaǵy munaidyń basym bóligń, iaǵni, 68 paiyzy Teńiz, Qarashyǵanaq jáne Qashaǵan kenishterinen óndirilýde. Elimizdegi munaidyń qory A+V+S1+S2 dárejesi boiynsha 4,4 milliard tonnany, gazdyń qory – 3,8 trillion tekshe metrdi, al kondensat – 415 million tonnany quraidy, – dedi óz sózinde vitse-ministr.
Vitse-ministr osy jiynda eldiń nazaryn aýdarar basqa da máselelerdi sóz etti. Máselen, onyń aitýynsha elimizdiń munai qory ortaiyp qalǵan. «Qara altynnyń» kemigenin Qashaǵan ǵana bildirtpei tur.
Elimiz táýelsizdikke ie bolǵan jyldary munai-gaz sektory men jer asty qazba bailyqtaryna salynǵan investitsiianyń kólemi 73 trln teńgeni quraǵan. Osy rette onyń 70 paiyzy munai-gaz sektoryna baǵyttalǵan. Osy jaittan-aq Táýelsizdik jyldar munai-gaz salasy otandyq ekonomikanyń negizgi tireýishi bolǵanyn baiqaýǵa bolady. Aldaǵy ýaqytta osy elimizdiń en bailyǵyn tiimdi paidalanyp, el ekonomikasyn ártaraptandyrýǵa kúsh salýdyń mańyzy zor.
https://dalanews.kz/del-qazir/67809-munay-qory-ortayyp-barady-tezdetip-ba
