Qazaqstan men Reseidiń áýe qorǵanysy kúshteri birlesken josparly jattyǵý ótkizedi. Bul týraly QR Qorǵanys ministrliginiń baspasóz qyzmeti málimdedi, dep habarlaidy Dalanews.kz.
Vedomstvonyń málimetinshe, Qazaqstan men Reseidiń Biryńǵai óńirlik áýe qorǵanysy júiesi aiasyndaǵy josparǵa sáikes, 2026 jylǵy 20 aqpan men 10 naýryz aralyǵynda áýe qorǵanysy áskerleriniń josparly jattyǵýy ótedi.
Jattyǵý kezinde áýe nysanalaryn anyqtaý jáne olardy baqylaýda ustaý, áýe keńistigin zańsyz buzǵan ushý apparattaryn tosqaýyldaý, sondai-aq olardy belgilengen áýeailaqtarǵa qondyrý sharalary pysyqtalady.
Ministrlik bul is-shara aldyn ala josparlanǵanyn atap ótti. Onyń basty maqsaty - áýe qorǵanysy kezekshi kúshteriniń ózara úilesimdi jumysyn jetildirip, jaýyngerlik daiyndyq deńgeiin arttyrý.
Sondai-aq vedomstvo azamattar men BAQ ókilderin tek resmi derekkózderge súienýge jáne jalǵan aqparat taratpaýǵa shaqyrdy.
