Máskeýde Qazaqstan Respýblikasy men Resei Federatsiiasy arasyndaǵy mádeni-gýmanitarlyq yntymaqtastyq jónindegi Kishi komissiianyń tórtinshi otyrysy ótti, dep habarlaidy Dalanews.kz
Is-sharaǵa eki eldiń mádeniet ministrleri – QR Mádeniet jáne aqparat ministri Aida Balaeva men RF Mádeniet ministri Olga Liýbimova tóraǵalyq etti. Sondai-aq jiynǵa eki el delegatsiialary qatysty.
Kezdesý barysynda Aida Balaeva elder arasyndaǵy mádeni-gýmanitarlyq yntymaqtastyqtyń jańa deńgeige kóterilgenin atap ótti.
«Jalpy, áriptesterimizben birlese ázirlep, júzege asyryp jatqan jobalarymyz bizdiń vedomstvolar arasyndaǵy yntymaqtastyqty nyǵaityp, Qazaqstan men Reseidiń mádeni-gýmanitarlyq bailanystarynyń damýyna tikelei yqpal etip jatyr», – dedi Aida Balaeva.
Ministrler ózara yntymaqtastyqty odan ári damytýǵa baǵyttalǵan keń aýqymdy máselelerdi talqylady.
«Alda kóp jospar bar. Bul jobalardyń júzege asýy eki eldi burynǵydan da jaqyndastyryp, mádeniet salasyndaǵy yntymaqtastyqty nyǵaita túsetinine senimdimin. Kishi komissiia otyrysyna yntymaqtastyqtyń negizgi baǵyttaryna jaýapty áriptesterimiz jáne Reseidiń jetekshi mádeniet mekemeleriniń ókilderi qatysyp otyr. Búgingi jiynda seriktestigimizdiń basty máselelerin, kino salasy, kitaphana isi jáne mádeniet salasyndaǵy bilim berý baǵyttaryndaǵy birlesken sharalardy keńinen talqylaýdy usynamyz», – dedi Olga Liýbimova.
Taraptar ózara yntymaqtastyqty odan ári damytýǵa baǵyttalǵan keń aýqymdy máselelerdi talqylady. Eki eldiń mádeniet uiymdarynyń basshylary birlesken jumystyń nátijelerin usynyp, aldaǵy baǵyttardy aiqyndady. Jiynda kinematografiia, kitaphana, mýzei isi jáne mádeniet salasy qyzmetkerlerin daiarlaý máseleleri kóterildi.
Kishi komissiia otyrysy aiasynda Temirbek Júrgenov atyndaǵy Qazaq ulttyq óner akademiiasy men GITIS Reseidiń teatr óneri institýty arasyndaǵy yntymaqtastyqtyń tiimdiligin arttyrý jónindegi Jol kartasyna qol qoiyldy. Qujatta akterlik sheberlik, sahna tili, horeografiia, teatr menedjmenti jáne prodiýserlik baǵyttardaǵy birlesken bastamalar qamtylǵan.
Sonymen qatar búgin Máskeýde Reseidegi Qazaqstannyń mádeni kúnderi bastaldy. Ekijaqty kezdesý barysynda Aida Balaeva Resei Federatsiiasynyń Mádeniet ministri Olga Liýbimovaǵa is-sharalar uiymdastyrýǵa jáne ótkizýge qoldaý kórsetkeni úshin alǵys bildirdi.
