Sybailas jemqorlyqqa qarsy qyzmet turaqty negizde halyqaralyq yntymaqtastyqty damytý boiynsha jumys júrgizedi.
Aǵymdaǵy jyldyń aqpan aiynda Qazaqstan Prezidenti Qasym-Jomart Toqaevtyń Qatarǵa jumys sapary barysynda eki memleket arasyndaǵy yntymaqtastyqty arttyrýǵa baǵyttalǵan birqatar is-sharalar belgilendi. Onyń ishinde – jemqorlyqqa qarsy birlesken kúres jumysy. Osy maqsatta eki tarap «Parasattylyq pen ashyqtyqty ilgeriletý jónindegi ózara túsinistik týraly memorandýmǵa» qol qoidy. Onyń aiasynda Sybailas jemqorlyqqa qarsy is-qimyl agenttigi men Qatardyń Ákimshilik Baqylaý jáne Ashyqtyq Basqarmasy Jol kartasyna qol qoiý josparlandy.
Aǵymdaǵy jyldyń 24 maýsymynda Qatardyń Sybailas jemqorlyqqa qarsy vedomstvosynyń (Ákimshilik Baqylaý jáne Ashyqtyq Basqarmasy) basshysy Hamad Bin Naser Rashid Al-Misned myrza bastaǵan delegatsiiasy Qazaqstanǵa saparmen keldi.
Is-sapar aiasynda Sybailas jemqorlyqqa qarsy is-qimyl agenttiginiń Tóraǵasy Ashat Jumaǵalidiń Ákimshilik Baqylaý jáne Ashyqtyq Basqarmasynyń Prezidentimen ekijaqty kezdesýi ótti.
Is-shara barysynda taraptar eki eldiń jemqorlyqqa qarsy qyzmetteriniń jumysy, memlekettik organdardyń basym baǵyttary týraly máseleler keshenin talqylady, sondai-aq ózara is-qimyl jónindegi Jol kartasyna qol qoidy.
Qazaqstannyń Sybailas jemqorlyqqa qarsy qyzmeti jemqorlyqty joiý, aktivterdi qaitarý, biznesti qorǵaý, quqyqtyq kómek kórsetý, biýdjet qarajaty men satyp alýdyń maqsatty paidalanylýyna monitoring júrgizý boiynsha júieli sharalardy tanystyrdy.
Sonymen qatar Agenttik Tóraǵasy jemqorlyqqa qarsy bilim berý jáne tárbie, ásirese balalar men jastar arasynda, sondai-aq tsifrlandyrý boiynsha júrgizilip jatqan jumystarǵa tolyǵyraq toqtaldy.
Sondai-aq, Almaty qalasynyń ákimdiginde kezdesý ótti, onda ákim Erbolat Dosaev Otandyq jáne sheteldik investorlar úshin qolaily investitsiialyq ahýaldy qalyptastyrýǵa erekshe kóńil bólinetinin atap ótti. Bul rette biznes aldynda memlekettik organdar jemqorlyqqa qarsy mádeniet qalyptasqan úlken jaýapkershilikti arqalaidy. Osy baǵytta Qazaqstan Respýblikasynyń Sybailas jemqorlyqqa qarsy is-qimyl agenttigi belsendi ról atqarady.
Atalǵan sharada Ulttyq banktiń, Tsifrlyq damý, innovatsiialar jáne aeroǵarysh ónerkásibi ministrliginiń, sondai-aq Elektrondyq qarjy ortalyǵynyń ókilderi tsifrlyq úkimettiń qyzmeti jáne memlekettik satyp alý júiesin tsifrlandyrýdyń erekshelikteri týraly baiandama jasady.
Antikor Tóraǵasy A. Jumaǵali Qatar basshylyǵyn aǵymdaǵy jyldyń sońyna josparlanǵan BUU Sybailas jemqorlyqqa qarsy konventsiiasynyń normalaryn jedel engizý maqsatynda Ortalyq Aziia elderi úshin Óńirlik platforma Konferentsiiasyna qatysýǵa shaqyrdy.
Óz kezeginde Qatardyń Sybailas jemqorlyqqa qarsy vedomstvosynyń basshysynan 2024 jylǵy qarashada Qatarda ótetin halyqaralyq sybailas jemqorlyqqa qarsy konferentsiiaǵa shaqyrtý tústi.
Kezdesý aiasynda Qatardan kelgen delegatsiia ókilderi elimizdiń mádeni jáne tarihi qundylyqtarymen tanysty.
Is-shara qorytyndysy boiynsha taraptar jemqorlyqtyń sebepteri men saldaryn neǵurlym tiimdi taldaý, yntymaqtastyqty nyǵaitý jáne eki eldiń damýy maqsatynda tájiribe almasýdy jalǵastyrýǵa kelisti.
