«Bizde jol salasyndaǵy jaǵdai óte kúrdeli bolyp tur. Jolda kóp jaǵdaida er adamdar qaza bolyp jatady. Áieldermen salystyrǵanda ol kórsetkish 2,5 esege artyq. Mysal retinde statistikalyq derek keltireiin, on jyldyń ishinde jol-kólik apattary saldarynan 34 myń adam o dúnielik bolyp ketti. Qaza bolǵan adamdardyń sany Shaxtinsk, Aral siiaqty qalalarda turatyn xalyqtyń sanymen birdei. Ol Aýǵan soǵysy kezinde on jyldyń ishinde oqqa ushqan keńes áskeriniń sanynan 3,5 esege artyq. Sondyqtan, búginde jol júrý erejelerin buzýdy barynsha azaitý sharalaryn kúsheitken durys», - deidi A.Kravchenko.
Onyń aitýynsha, búginde zań júzinde uialy telefonǵa, ishimdik iship, kólikti júrgizýge tyiym salynsa da, osy sanattaǵy quqyq buzýshylyqtardyń sany az emes. A.Kravchenkonyń oiynsha, jol salasyndaǵy jaǵdaidy rásimdelgen xattamalardyń sanymen kórsetý durys emes. Búginde jol qatynasy salasyndaǵy jalpy tártipti saqtaý jumysyna basymdyq bergen jón.
Aita keteiik, búgingi jiyn barysynda májilismender júrgizýshiler úshin aiyppul kólemin azaitýdy usyndy. Belgili zańger Sergei Ýtkinniń oiynsha, aiyppuldyń kólemi qazirgi paranyń deńgeiinde bolsa, jol-patrýldik politsiia qyzmetkerlerine aqsha berýdiń ózi tiimsiz bolyp qalady. Al depýtat Omarhan Óksikbaev kólikti júrgizý kezinde temeki shegýge tyiym salýdy usyndy. Bul bastama depýtattar arasynda úlken pikirtalas týǵyzdy. Budan bólek, O.Óksikbaev kóshe qiylysynda stop-syzyqty basyp ótkeni úshin aiyppul salý máselesin qaita qaraý qajet dep sanaidy.
Derekkóz: baq.kz
