Festivalge Qazaqstan, Ózbekstan, Qyrǵyzstan, Ázirbaijannan 450-den astam adam qatysty. Red Jolbors aiasynda bilim berý baǵdarlamasy uiymdastyrylyp, úzdik kommýnikatsiialyq jáne jarnama sheshimderi baiqaýy ótedi.
Baiqaýǵa Ortalyq Aziia men Ázirbaijannan 360-tan astam jumys usynyldy. Is-sharanyń qorytyndysy boiynsha Qazaqstan «Jyl memleketi» atandy. Bul ataq halyqaralyq qazylar alqasynyń daýys berý nátijeleri boiynsha eń kóp upai jinaǵan elge beriledi.
Ázirbaijannyń Endorphin kompaniiasy «Jyldyń eń úzdik agenttigi» dep tanyldy. Qazaqstan atynan qatysqandarǵa 50, Ózbekstanǵa 24, Ázirbaijanǵa 13 marapat tabystaldy.
– Red Jolbors-ta biz árqashan salanyń eń qyzyqty jáne ózekti máselelerin kóteremiz. Jarnamalyq agenttikterdiń ókilderi jáne aimaǵymyzdyń marketologterine tájiribemizdi aitý úshin úzdik sarapshylardy jinaýǵa tyrysamyz. Biylǵy jyly konkýrstyń spikerleri men qazylar alqasy jarnama jáne marketing salasyndaǵy eń bedeldi marapattardyń iegerleri boldy. Búkil quramǵa 100-ge jýyq Kann festivaliniń júldegerleri sondai-aq, marketing salasyndaǵy álemdegi eń mańyzdy marapattardyń biri – «Effilikter» kirdi, – dedi Red Jolbors negizin qalaýshy Sabina Reingold.
Dáristerdiń, sondai-aq, paneldik pikirtalastardyń spikerleri iri jarnama agenttikteriniń, Eýropa, Ońtústik Koreia, Grýziia, Qazaqstan, Qyrǵyzstan, Ózbekstan, Resei kompaniialarynyń ókilderi boldy. Olar ózderiniń praktikalyq tájiribelerin áńgimelep berdi jáne shyǵarmashylyq ideialardy ázirleý, marketing quraldarynyń tiimdiligi, brendterdiń ósý múmkindikteri, seriktestik qurý, tsifrlyq dizainnan keiingi dizain, marketingtegi metaverster, TikTok-qa milliondaǵan aýditoriiany tartý týraly aitty. Sondai-aq Red Jolbors-tyń 2022 jylǵy negizgi taqyryptarynyń biri ómir súrip jatqan ortany jaqsy jaqqa ózgertetin ESG jobalaryn qurý jáne damytý boldy.
Sonymen qatar is-sharada 3 túrli paneldik pikirtalas uiymdastyryldy. Olardyń biri Ortalyq Aziia elderinde kreativti ekonomikany damytýǵa arnaldy. Oǵan QR Aqparat jáne qoǵamdyq damý vitse-ministri Aleksandr Danilov qatysty.
– Qazir Qazaqstan men onyń memlekettik organdary biznes jáne qoǵammen ózara is-qimylǵa ashyq. Mańyzdy qoǵamdyq máselelerdi sheshý úshin biz shyǵarmashylyq salalardyń, kreativti indýstriia ókilderin tarta otyryp, ortaq kúsh salýymyz kerek. Osyndai ózara birlestikte ǵana bizdiń odan ári jalpy damýymyz úshin úlken múmkindikter bar, – dep atap ótti A.Danilov.
Red Jolbors – shyǵarmashylyq, kommýnikatsiialyq jáne jarnama agenttikteriniń, óndiris jáne dizain stýdiialarynyń ókilderi, marketologtar, brend menedjerleri, PR mamandary, jarnama jáne marketing salasynyń mamandary úshin jyldyń eń iri oqiǵalarynyń biri sanalady. Red Jolbors missiiasy-shyǵarmashylyq indýstriia ókilderiniń kásibi qaýymdastyǵyn qurý jáne damytý. Festival áý basta Qyrǵyzstanda quryldy,- al 2018 jyldan bastap jyl saiyn Qazaqstanda ótedi.
