2023 jyly Qazaqstanda ár adamǵa shaqqandaǵy gaz tutyný kólemi 10,9 myń kVt∙saǵattan asty. Bul kórsetkish 2013 jylmen salystyrǵanda 70 paiyzǵa joǵary. Mundai aýqymdy ósim gazdy kóp tutynatyn memleketter arasyndaǵy eń joǵary kórsetkishterdiń biri sanalady, dep habarlaidy Dalanews.kz.
Salystyrar bolsaq, gaz tutyný boiynsha álemdik kóshbasshy – Katarda bul kórsetkish on jylda 6,1 paiyzǵa azaiǵan. Al álemdik deńgeide gaz tutyný kólemi 18,9 paiyzǵa ǵana ósken. TMD elderinde – 11,4 paiyzǵa, al Eýroodaqta tipti 14,8 paiyzǵa tómendegen.
Sarapshylardyń aitýynsha, Qazaqstandaǵy ósim eldegi gazdandyrý jumystarynyń qarqyndy júrýimen jáne elektr stantsiialarynyń birtindep gazǵa kóshýimen bailanysty. Bul turǵyndar úshin oń kórsetkish bolǵanymen, ishki naryqtaǵy gaz baǵasynyń tómendigi investitsiialyq tartymdylyqty tómendetip, gaz óndirý men infraqurylym jańǵyrtý protsesin tejep otyr.
Sonymen qatar mamandar elde gazdy tiimdi tutyný mádenietiniń álsiz ekenin atap ótti. Úilerdi shamadan tys jylytyp, ystyq bolǵanda tereze ashyp qoiý — jii kezdesetin jaǵdai. Mundai beibereket tutyný resýrstyń ysyrap bolýyna ákeledi.
Energy Institute dereginshe, dáleldengen jahandyq tabiǵi gaz qory 188,1 trillion tekshe metrdi quraidy. Qazirgi tutyný qarqyny saqtalsa, bul qor álemge shamamen 47 jylǵa ǵana jetedi.
DDU usynǵan norma boiynsha, úi ishindegi ońtaily temperatýra – 18 °C. Sarapshylar jylýdy únemdep tutyný — tek ekonomikalyq tiimdilik qana emes, sonymen qatar halyq densaýlyǵy úshin de mańyzdy ekenin eskertedi.
