Halyqaralyq forým jumysyna rektor Takir Balyqbaev, QR Konstitýtsiialyq Keńesiniń tóraǵasy Qairat Mámi, Qazaqstandaǵy Frantsiia Respýblikasynyń Tótenshe jáne ókiletti Elshisi Filipp Martine, Qazaqstan Respýblikasy Tuńǵysh Prezidenti – Elbasy qorynyń atqarýshy direktorynyń orynbasary Igor Rogov, Frantsiia Respýblikasynyń Bas konsýly Aleksis Shahtahtinskii, Qoǵamdyq ómirdiń transparenttigin qamtamasyz etýshi Joǵary organnyń Bas hatshysy Liza Lamgani, Parij qalasy prokýrorynyń orynbasary, terrorizmge qarsy kúres salasynyń mamany Beatris Brýger syndy mártebeli meimandar qatysty.
Alqaly basqosýdyń ashylýynda rektor Takir Balyqbaev «Qaýipsizdikti qamtamasyz etý: memleket pen qoǵam róli» forýmnyń maqsatymen tanystyryp, talqylanatyn taqyryptardyń ózektiligi men ony sheshýdegi basymdyqtardy atap ótti.
– Búgingi pikir almasý alańynda biz zańnyń jáne qaýipsizdik júiesiniń erejeleri, diplomatiianyń ulttyq múddelerin ilgeriletý, jańa qaýipsizdik faktory retinde tsifrlandyrý, bilim, densaýlyq jáne qaýipsizdik, ekonomikalyq, qarjylyq qaýipsizdik jáne jahandaný jaǵdaiyndaǵy biznes taqyryptaryndaǵy ózekti máselelerdi talqylaýdamyz. Biz kúsh-jigerimizdi biriktire otyryp, osy máselelerdiń sheshimin taýyp, tájiribe almasýǵa tiispiz, – dedi oqý oryn basshysy.
Forým aiasynda Sorbonna Ýniversiteti (Parij 13 Ýniversiteti) basshylyǵymen «Densaýlyq saqtaý júiesindegi menedjment», «Fiskaldyq quqyq» salasyndaǵy mamandardy daiarlaý boiynsha mańyzdy memorandýmdarǵa qol qoiý rásimi ótti. Is-sharada Abai atyndaǵy QazUPÝ-dyń Sorbonna-Qazaqstan institýtynyń úzdik túlekterine INALCO prezidenti (Sorbonna ýniversiteti) atynan diplomdar tabys etildi.
Halyqaralyq forým eki el tarapynan talqylanǵan aýqymdy máseleler boiynsha syndarly pikir men tájirbie almasý alańyna ainalyp, óte mazmundy jáne nátijeli ótti.
[caption id="attachment_43924" align="aligncenter" width="800"]
Rimma JANBAEVA
