Tsifrlyq damý, innovatsiialar jáne aeroǵarysh ónerkásibi ministri Jaslan Mádiev Qazaqstan eGov portalynan bas tartady degen aqparatqa qatysty túsinikteme berdi, dep habarlaidy Dalanews.kz.
Buǵan deiin keibir BAQ-ta Reseilik kompaniia Qazaqstan úkimetine eGov portalyna balama tsifrlyq platforma ázirleidi degen habar taraǵan bolatyn.
"Bul shyndyqqa janaspaityn aqparat, men ony rastamaimyn. eGov – azamattarymyz úshin myńnan astam qyzmetti yńǵaily túrde usynatyn óte tanymal qural. Búginde memlekettik qyzmetterdiń 90%-dan astamy onlain qoljetimdi. Sondyqtan eGov portaly halyqqa qoljetimsiz bolady degenge jol bere almaimyz. Bul – memlekettik qyzmetterdi barynsha yńǵaily usynýǵa múmkindik beretin asa mańyzdy platforma", – dedi Mádiev Parlament palatalarynyń birlesken otyrysy kýlýarynda jýrnalister suraǵyna jaýap bere otyryp.
Ministrdiń aitýynsha, qazirgi ýaqytta Qazaqstanda otandyq "Kazteh" platformasy ázirlenip jatyr, jáne oǵan reseilik Sber kompaniiasynyń eshqandai qatysy joq.
"Bul platforma ashyq kodty (open source) sheshimderge negizdelip, bizdiń ulttyq erekshelikterge beiimdelip jasalýda. Mundai platformalyq tásil – durys baǵyt. Bul – mikroservistik arhitektýra negizinde aqparattyq júielerdi ázirleýge múmkindik beretin sheshim. Qazaqstandyq mamandar bul jumysty ózderi atqaryp jatyr", – dep atap ótti Jaslan Mádiev.
