Onyń sózinshe, bul jattyǵýdyń Belarýstaǵy ishki jaǵdaiǵa esh qatysy joq.
– Bul jattyǵýdyń Belarýstegi ishki jaǵdaiǵa qatysy joq. «Myzǵymas baýyrlastyq» jattyǵýy jyl saiyn 2012 jyldan beri Ujymdyq qaýipsizdik sharty uiymy bitimgerlerimen birge ótkizilip keledi, – dedi Qorǵanys ministrliginiń aqparat jáne kommýnikatsiialar departamentiniń ókili Ǵani Núsipov.
Qazaqstannan bólek Resei, Belarýs, Armeniia, Qyrǵyzstan, Tájikstan áskerileri qatysatyn jattyǵý Resei qorǵanys ministrliginiń habarlaýynsha, Belarýstegi «Losvido» poligonynda ótedi.
Resei qorǵanys ministrligi bir aida osymen ekinshi ret Belarýs aýmaǵynda áskeri jattyǵý ótkizetinin habarlap otyr.
Qazir Belarýste «Slavianskoe bratstvo-2020» jattyǵýy ótip jatyr. RBK saitynyń jazýynsha, Brest poligonynda ótip jatqan áskeri synaqqa reseilik áýe-desant áskeriniń desanttyq-shtýrm diviziiasy qatysýda. Bastapqyda oǵan Serbiia sarbazdary keledi dep aitylǵan. Keiinirek Belgrad Eýroodaq basshylary tarapynan qysym bolǵanyn alǵa tartyp, jarty jylǵa áskeri jobalardan bas tartatynyn aitqan.
Belarýste bir aidan astam ýaqyttan beri prezident Aleksandr Lýkashenkonyń otstavkasyn talap etken narazylyq aktsiialary ótýde. Sailaý qorytyndysy burmalandy dep sanaityn narazylar jańadan ádil sailaý ótkizýdi de talap etip otyr. Eýroodaq jáne birqatar Batys elderi Belarýstegi sailaýdyń qorytyndysyn moiyndamaǵan.
