Qazaqstan aýyr atletteri Rioǵa baratyn bolyp sheshildi
Atqarý komiteti osynda úsh kún boiy jabyq esik jaǵdaiynda jumys jasaǵan. Ondaǵylar bul ýaqyttyń bárinde jýrnalistermen kezdesýden bas tartqan. Munda eń sońǵy sátke deiin Qazaqstan, Resei jáne Belarýs aýyr atletteriniń Oiyndarǵa jiberiletin-jiberilmeitin máselesi jan-jaqty talqylanyp kelip, aqyrynda ony bizdiń atletterdiń paidasyna qarai sheshti.
«Olimpiadaǵa buryn belgilengendei 10 emes, 8 sportshy barady. Mundai shara bizdiń jaqyn respýblikalarymyz Qazaqstanǵa, Belarýs pen Ázerbaijanǵa da qatysty», dedi atqarý komitetiniń reseilik múshesi Sergei telearna tilshisine.
Kongress jumysy aqyrǵy sátke deiin óte qaýyrt ta júike juqartatyndai dárejede ótken. Oǵan qatysýshylar ártúrli komandalardyń doping-janjaldary jaiyn búge-shigesine deiin talqylaǵan. Áńgime Beijiń men London Olimpiialyq oiyndary kezinde alynǵan testiler týraly bolǵan. Burynnan belgili bolǵandai, úsh oń nátije tutas komandany Oiyndardan shyǵaryp tastaýǵa jetkilikti edi.
Damir Qojamqul.
Derekkózi: «Egemen Qazaqstan» gazeti
