Jańa Konstıtýsıa jobasy men aldaǵy respýblıkalyq referendýmǵa arnalǵan aqparattyq bannerler Qazaqstan aýmaǵyndaǵy negizgi qoǵamdyq kólik obektilerine ornalastyryldy, dep habarlaıdy Dalanews.kz

Materıaldar áýejaılarda, temirjol vokzaldarynda, avtovokzaldarda, metro stansıalarynda jáne iri qalalar men oblys ortalyqtaryndaǵy aıaldama keshenderinde ornatyldy – búkil elimiz boıynsha 60 iri kólik haby qamtyldy.

Mańyzdy málimetter barlyq óńirde jolaýshylar aǵyny joǵary, eń kóp júrginshi júretin kólik toraptaryna ornalastyryldy. Bul aýdıtorıany keńinen qamtyp, azamattardyń konstıtýsıalyq ózgeristerdiń máni men aldaǵy daýys berý rásimi týraly túsindirme aqparatqa qol jetkizýin qamtamasyz etýge múmkindik beredi.

Statıkalyq konstrýksıalar da, sıfrlyq formattar da: LED-ekrandar, laıtbokstar jáne qoǵamdyq kólikter ishindegi monıtorlarqoldanylýda.

Naýqandy uıymdastyrýshylardyńmálimetinshe, aqparattyq materıaldar elimizdiń barlyq oblystarynda jáne respýblıkalyq mańyzy bar qalalarda ornalastyrylǵan.

Osy jumystyń arqasynda qazaqstandyqtar jańa Konstıtýsıadaǵy negizgi ózgerister týraly aqparatty endi tek onlaın formatta ǵana emes, iri kólik nysandarynda da yńǵaıly ári qoljetimdi túrde ala alady.