"Bul oqiǵa 2 maýsymda respýblikalyq drag-reising týrniri barysynda bolǵan. Osy jarys drift chempionatyna qatysy joq bolǵandyqtan biz osy oqiǵaǵa qatysty pikir bildirýimiz durys emes dep sanaimyz. Alaida Artem Chekmenovtiń Gorilla Drift Championship uiymdastyrýshylarynyń biri ekenin rastaimyz.Qalyptasqan jaǵdaidy eskere otyryp, biz Artem Chekmenovti Gorilla Drift Championship chempionaty men onyń qatysýymen ótetin basqa da sporttyq sharalardy uiymdastyrýmen bailanysty barlyq máseleden ishki tergeý aiaqtalǵanǵa deiin ýaqytsha shettetý týraly sheshim qabyldadyq. Sonymen qatar, onyń aitqandary brendtiń chempionattyń jáne uiymdastyrýshylar tobynyń basqa músheleriniń resmi ustanymy bolyp tabylmaidy", - delingen málimdemede.
Jelide taraǵan videoda Artem Chekmenev qazaqsha sóileýden bas tartady.
"Sen ne men sóileitin tilde sóile, ne menimen múldem sóilespe. Túsinikti me? "Ei" dep áielińe aitasyń. Baýyrym, sen oryssha túsinbeisiń ǵoi", - deidi Chekmenev videoda.
Video áleýmettik jelide tarap, qyzý talqyǵa túsip ketkennen keiin kompaniia ókilderi olardyń áleýmettik jelidegi paraqshalarynda jáne Artem Chekmenovtiń paraqshasynda da pikir jazý múmkindigin alyp tastaǵan.
Chekmenovtiń ózi bul jaitqa qatysty pikir bildirdi. Onyń sózinshe, oqiǵa 2 maýsymda bolǵan. Al video qyrqyp alynǵan jáne onyń tolyq mazmuny múlde basqasha bolypty-mys.
"Sol kúni bolǵan jait týraly myna nárseni aitar em: jarys bolatyn aimaqty tekserip jatqan ýaqytta kúzetshiler bireý kóliktiń bagajynda tegin taýar taratyp jatqanyn baiqaǵan, al bul №3 biýlleten erejesine qars. Biýlleten qujaty 28 sáýirde sportshylardyń tobynda taratylǵan bolatyn. Men oqiǵa ornyna kelip bulai isteýge bolmaitynyn, olardyń áreketi erejege qarsy ekenin, ol uiymdastyrýshylarmen kelisilýi keregin túsindirdim. Al olar bul sharanyń erejesi men reglamentimen tanys bolýy kerek, saldarynan olardyń tarapynan agressiia men provokatsiiaǵa ushyradym.
Artynsha shara bolatyn keshenniń kúzet qyzmeti jigitterden shyǵyp ketýdi surady. Áleýmettik jelide taraǵan "tanymal videoda" alty adam arasyndaǵy jarty saǵattyq áńgimemiz kesip alynǵanyn taǵy da qaitalap aitamyn! Meni jaman tusymnan kórsetý úshin meniń tarapyma jasalǵan provokatsiia sáti kesip alynǵan...", - deidi Chekmenov.
Artem Chekmenov videodaǵy jigittermen uzaq sóileskenin, artynsha emotsiiaǵa berilip sóilep ketkeni úshin keshirim suraǵanyn aitady.
