Sońǵy ret osyndaı jaǵdaı Almatydaǵy "Dınara" kafesine qatysty pikirlerde oryn aldy.
Qazaq tiline qatysty pikirlerdiń kópshiligi "2GIS" servısinde 4-shi aqpannan bastap "rastalmaǵan" kategorıasyna engizilip, artynan óshirile bastaǵan.
Kerisinshe kafeni jaqtaıtyn pikirlerdiń barlyǵy birden rastalǵan.
"2GIS" Reseıdiń mobıldi qosymshasy bolyp tabylady. Onyń ıesi "DablGIS" ashyq aksıonerlik qoǵamy. Óz kezeginde "DablGIS" Sberbankke qaraıdy.
"2GIS" Sberbank sanksıaǵa ushyraǵannan keıin AppStore-den alynyp tastalǵan bolatyn.
Olar dereý DG-SOFT dep atalatyn qazaqstandyq kompanıanyń atynan tirkelip, AppStore-ge qaıtadan kirip aldy.
Dala Inside bul týraly Apple korporasıasyna arnaıy suraý salmaqshy.
Jalpy reseılik kompanıanyń bizdiń atymyzdy jamylyp, sanksıany aınalyp ótýi, qazir Reseıdiń biz arqyly paralelldi ımport jasaýy bıyl Qazaqstanǵa qosalqy sanksıa ákelýi múmkin.
AITPAQSHY…
Qazaqstandaǵy AES-ti Fransıa salady ma? Buǵan qatysty tyń málimet shyqty. Tolyǵyraq osy jerde: t.me/dalainside/1130
