Qazaqstanda biznes júrgizip, onyń memlekettik tiline tiym salý moraldi turǵydan qanshalyqty oryndy degen suraq týyndaidy.
Almatylyqtar "Pintany" qazaqsha án aitýǵa májbúrlei almaidy. Biraq endi oǵan barmaýǵa da tolyq quqyly.
Zań boiynsha restoran, kafe, barlarda as máziri, kórneki aqparat memlekettik tilde bolýy mindetti.
Biraq qazaqsha án aitylsyn degen talap joq. Iia, "Pinta" zańdy buzbady. Biraq, almatylyqtardy renjitken siiaqty.
Almaty halqy jappai boikotty oryndasa, "Pintanyń" qarjylyq kirisi tómendeitini anyq.
Boikottyń bizneske áserin "Choco Family" jaqsy sezindi. Táýelsiz sarapshylar esebinshe, 2022 jyldyń tórtinshi toqsanynda onyń toqsandyq vyrýchkasy 45%-ǵa quldyraǵan.
Boikottan Ramil Mýhoriapovtyń biznesi shamamen 120 million teńge joǵaltty.
"Pinta" diskonttyq biznes túrine jatady. Iaǵni, baǵasy arzan, al tabysty jelilik júiede, kóp bar ashý arqyly tabady.
