Óndiristik jáne áleýmettik infraqurylymdy jańǵyrtýǵa baǵyttalǵan aýqymdy baǵdarlama aiasynda «Qazaqmys» kompaniiasy ózine qarasty kásiporyndar men kenishterindegi eńbek jaǵdaiyn jaqsartýda, dep habarlaidy dalanews.kz.
Baǵdarlama kompaniianyń jańa basshylyǵy qolǵa alǵan eńbek jaǵdaiyn uiymdastyrý tásilin jańartýǵa baǵyttalǵan jumys aiasynda júzege asyrylýda. Osyndai nysandardyń biri – Jezqazǵan óńirindegi «Batys» kenishi. Qazirgi tańda munda turmystyq infraqurylym jańartylyp jatyr. Bes jobany iske asyrýǵa baǵyttalǵan qarjynyń jalpy kólemi 89,4 mln teńgeden asty.
Bes jobanyń tórteýi tolyq aiaqtaldy. Atap aitqanda, №73-75 shahtalardyń ákimshilik-turmystyq korpýsy men jylý ótkeline jóndeý jumysy júrgizilip, avtomattandyrylǵan meditsinalyq tekserý júiesi ornatyldy. Sonymen qatar №73-75 shahtalardyń ÁTK ǵimaraty men jylý ótkeliniń shatyrlaryna jańa sý aǵyzý júieleri ornatyldy.
Baǵdarlamanyń negizgi jobasy №67 shahtanyń ákimshilik-turmystyq kesheninde júzege asyrylýda. Munda 70 adamǵa arnalǵan jýyný jáne kiim aýystyrý bólmelerine kúrdeli jóndeý júrgizilýde. Búginde jumystyń 40%-y oryndaldy.
Jóndeý jumysy 569,3 sharshy metr aýmaqty qamtidy. Joba aiasynda jýynatyn jáne kiim aýystyratyn bólmelerdegi kafel jabynyn aýystyrý, dáliz edenin jańartý, 14 kabinet pen qosalqy bólmelerdiń qabyrǵalaryn sylaý, boiaý, aspaly tóbe ornatý, sondai-aq esik pen terezelerdi aýystyrý kózdelgen.
№67 shahtadaǵy jumys bekitilgen kestege sáikes júrgizilýde jáne jyl sońyna deiin aiaqtalýy tiis.
Turmystyq infraqurylymdy jańartý – «Qazaqmys» kompaniiasynyń eńbek jaǵdaiyn jaqsartýǵa baǵyttalǵan júieli jumysynyń bir bóligi. Baǵdarlamanyń negizgi maqsaty – jumyskerlerge kúndelikti jumys isteý úshin zamanaýi, qaýipsiz ári jaily jaǵdai jasaý.
