2024 jyly 17 mamyr kúni Halyqaralyq «Qazaq tili» qoǵamy men SANA FOUNDATION qoǵamdyq qory arasynda birlesken memorandýmǵa qol qoiyldy, - dep habarlaidy Dalanews.kz.
Kezdesýde kásipkerlik salasynda qazaq tiliniń mártebesin arttyrýdyń joldary men qoldaný aiasyn keńeitý jobalary talqylandy.
Halyqaralyq «Qazaq tili» qoǵamy 1989 jyldan beri QR Ata zańy (Konstitýtsiiasy), Til týraly Zańy, óziniń Jarǵysy jáne Halyqaralyq normalar negizinde qyzmet jasaityn uiym. Omby, Orynbor, Astrahan, Qorǵan, Sankt-Peterbýrg, Saratov, Volgograd qalasynda, Mońǵoliia, Túrkiia, t.b. qalalarynda bólimsheleri bar.
Memorandýmǵa tuńǵysh qazaq tilindegi ekonomikalyq-biznes forýmyn uiymdastyrǵan, kásipkerlik aǵartýshylyqpen ainalysa otyryp, ziiatkerlik, áleýmettik jobalardy júzege asyratyn SANA FOUNDATION atynan belgili ekonomist, táýelsiz sarapshy Maqsat Halyq myrza keldi.
Iskerlik etika men kásipkerlik kodty qalyptastyrýdy maqsat etken kelisim birlesken is-sharalar, seminarlar men forýmdar ótkizýge, biznes ádebiet pen materialdardy kóbeitýge, qazaq tilinde sapaly media jáne onlain kontentti damytýǵa jalǵaspaq.
Sondai-aq, kásipkerlik jaýapkershilik negizinde ziiatkerlikti qalyptastyrý men aǵartýshylyqty trendke ainaldyrý maqsatyndaáleýmettik jobalar legi josparlandy.
