KSRO Halyq ártisi, Qazaqstannyń Eńbek eri Asanáli Áshimov qaitys boldy, dep habarlaidy Dalanews.kz.
Asanáli Áshimuly Áshimov (1937 jyly 8 mamyrda Jambyl oblysy, Sarysý aýdany, Jaiylmada týǵan) – keńestik jáne qazaqstandyq kino jáne teatr akteri, kino jáne teatr rejisseri, teatr pedagogy, professor. Qazaq KSR halyq artisi (1976), KSRO halyq artisi (1980). Qazaq KSR memlekettik syilyǵynyń laýreaty (1973), KSRO memlekettik syilyǵynyń laýreaty (1974). Qazaqstan teatrlar assotsiatsiiasynyń prezidenti. Muhtar Áýezov atyndaǵy Qazaq memlekettik akademiialyq drama teatrynyń kórkemdik jetekshisi.
Qazaqstannyń Eńbek Eri (2017). Qatal soǵys jyldary ótken balalyq shaǵy týraly osylai deidi:
– Alǵashqy qar jaýǵansha jalań aiaq júrdim. Bir kúni sabaq kezinde qalyń qar jaýǵan edi. Barlyq synyptastarymdy ata-analary úilerine alyp ketti. Al men sýyq saz mektepte jalǵyz qaldym. Ol kezde toǵyz jasta edim. Túni boiy qatty qoryqqanym sonshalyq, tańerteń mektepten on jasqa eseiip shyqqandai boldym.
